ශ්රී ලංකාව සමඟ මාර්තු 30 වනදා චැටෝග්රෑම් හිදී ආරම්භවන දෙවන සහ අවසන් ටෙස්ට් තරඟය සඳහා සංචිතය බංග්ලාදේශ ක්රිකට් පාලක මණ්ඩලය විසින් ප්රකාශයට පත් කර තිබේ.
වසරක විරාමයකට පසු බංගලාදේශ සුපිරි ක්රීඩක ෂකීබ් අල් හසන් නැවතත් ටෙස්ට් පිටියට කැඳවා ඇත.
ෂකීබ් අල් හසන් අවසන් වරට ටෙස්ට් තරගයක් ක්රීඩා කළේ 2023 අප්රේල් මාසයේදී බංග්ලාදේශය මීර්පූර්හිදී අයර්ලන්තය හමුවූ අවස්ථාවේදීය.
ශකීබ් දෙවැනි ටෙස්ට් තරගයේ සංචිතයට පැමිණෙන්නේ පළමු ටෙස්ට් තරගයේ සංචිතයේ සිටි තව්හිඩ් හ්රිඩෝයි සංචිතයෙන් ඉවතට විසිකරමිනි. එසේම වේග පන්දු යවන ක්රීඩක මුෂ්ෆික් හසන් ඔහුගේ වම් වළලුකරයේ ආබාධයක් හේතුවෙන් සංචිතයෙන් ඉවත් කර පුනරුත්ථාපනය සඳහා යොමු කර තිබේ.
ඔහු වෙනුවට ආදේශ කරනු ලබන්නේ දකුණත් වේග පන්දු යවන ක්රීඩක හසන් මහමුද්ය. හසන් මහමුද් සුදු පන්දු ක්රිකට් සඳහා බංග්ලාදේශය වෙනුවෙන් 39 වතාවක් ක්රීඩා කර ඇති නමුත් තවමත් ටෙස්ට් තරගයකට සහභාගි වී නොමැත. මහමුද් පළමු පෙළ තරග 16කදී කඩුලු 49ක් දවාගෙන ඇත.
සිල්හෙට් හි පැවැති පළමු ටෙස්ට් තරගය ලකුණු 328කින් ජයගත් ශ්රී ලංකාව තරගාවලිය 1-0ක් ලෙස ඉදිරියෙන් සිටී. ටෙස්ට් තරඟාවලිය 2023-25 ICC ලෝක ටෙස්ට් ශූරතා චක්රයේ කොටසකි.
