ශෂී වීරවංශට අද කොළඹ මහේස්ත්රාත් අධිකරණය ඇප ලබා දීමට නියම කළේය. අවිධිමත් රාජ්ය තාන්ත්රික ගමන් බලපත්රයක් සනත්කයේ තබා ගැනීම සම්බන්ධව දෙවසරකට සිර දඬුවමක් විඳීමට නියම වූ ශෂී වීරවංශ විසින් එම අධිකරණ නියෝගයට එරෙහිව සිය නීතිඥවරුන් ලවා අභියාචනායක් ඉදිරිපත් කළාය. එම අභියාචනය ඉදිරිපත් වූයේ තීන්දුව ප්රකාශයට පත් කළ පසුගිය සිකුරාදා දිනයේදීමය.
ඉන් කියැවුනේ අභියාචනය විභාග කර නියෝගය ලැබෙනතුරු ඇය ඇප මත මුදාහරින ලෙසය. එම ඇප ඉල්ලීම ඊයේ කොළඹ මහේස්ත්රාත් අධිකරණයට ඉදිරිපත් කෙරනි.
එම ඉල්ලීම අද දින සලකා බැලීමට කැඳවන සේ නියෝග කළ කොළඹ ප්රධාන මහේස්ත්රාත්වරයා මීට අදාල නොතීසි නීතිපතිවරයා වෙත නිකුත් කරනු ලැබුවේය.
අනතුරුව අද කැඳවූ නඩුවේදී අධිකරණය විසින් අභියාචනය විභාග කර අවසන් වනතුරු ඇයට ඇප නියම කළේය.
විදේශ ගමන් බලපත්රයක් ලබා ගැනීම සඳහා ව්යාජ ලියකියවිලි භාවිතා කිරීමේ චෝදනාවකට හිටපු අමාත්ය විමල් වීරවංශගේ බිරියවන ශෂී වීරවංශට වසර 2ක සිර දඬුවමක් රුපියල් ලක්ෂයක දඩයක් නියම කළේ පසුගිය සිකුරාදාය.
ආගමන හා විගමන දෙපාර්තමේන්තුවට ව්යාජ ලේඛන ඉදිරිපත් කර රාජ්ය තාන්ත්රික ගමන් බලපත්රයක් ඇතුළු විදේශ ගමන් බලපත්ර දෙකක් වංචනික ලෙස ලබාගෙන ඇති බවට ඇයට චෝදනා එල්ල වී තිබිණි.
විදේශ ගමන් බලපත්ර ලබා ගැනීම සඳහා ව්යාජ නම් සහ උපන් දින ඇතුළත් ලිපි ලේඛන ඉදිරිපත් කළ ශෂී වීරවංශ මුලින්ම 2015 පෙබරවාරි මාසයේදී අත්අඩංගුවට ගෙන පසුව ඇප මත මුදා හැරියේය.
ඉන් අනතුරුව 2020 ජූලි මාසයේදී කොළඹ ප්රධාන මහේස්ත්රාත්වරයා ශෂී වීරවංශට වරෙන්තු නිකුත් කළේය.
අපරාධ පරීක්ෂණ දෙපාර්තමේන්තුව විසින් ගොනුකර තිබූ එම නඩු දෙක අවසන් වරට කොළඹ පූර්වගාමී අධිකරණයේ ප්රධාන මහෙස්ත්රාත් බුද්ධික සී. රාගල ඉදිරියේදී විභාගයට ගෙන අවසන් කොට තිබූ අතර තීන්දුව සකස් කිරීම බුද්ධික සී. රාගල විසින් සිදුකළ යුතු බැවින් අවස්ථා දෙකකදී ද තීන්දුව ප්රකාශයට පත් කිරීම කල් තැබීමට සිදුවී තිබිණ
