(ලලිත් චාමින්ද)
අසල්වැසි නිවසක වහලයේ තිබූ දෙඹරු කූඩුවක් ඉවත් කිරීමට ගොස් දෙබරු ප්රහාරයට ලක් වූ තිදරු පියකු බරපතළ තුවාල ලබා රෝහල්ගතව ප්රතිකාර ලබමින් සිටියදී මියගොස් ඇති බැව් ගාල්ල කරාපිටිය ශික්ෂණ රෝහලේ දි පැවති හදිසි මරණ පරික්ෂණයේ දී අනාවරණය විය.
මියගොස් ඇත්තේ පියල් සමන්ත (41) නැමති නාවිමන, මාතර දකුණ ප්රදේශයේ පදිංචිකරුවෙකි.
මොහු තවත් අයෙකු සමග අසල්වැසි නිවසක වහලයේ තිබූ දෙබරු කූඩුවක් ඉවත් කිරිමට ගොස් ඇති අතර එහිදි මොහු දෙඹරුන්ගේ ප්රහාරයකට ලක්ව ඇත. දෙඹරු ප්රහාරයෙන් බරපතළ තුවාල ලැබූ මොහු මාසයකට අධික කාලයක් රෝහල්ගතව ප්රතිකාර ලබමින් සිටියදී මියගොස් ඇත.
මිය ගිය තිදරු පියාගේ පශ්චාත් මරණ පරික්ෂණය ගාල්ල කරාපිටිය ශික්ෂණ රෝහලේ සහකාර අධිකරණ වෛද්ය නිලධාරී ටි.පි.ටි ජයරත්න මහතා විසින් සිදුකරනු ලැබිය. ඉදිරිපත් වූ සාක්ෂි හා වෛද්ය වාර්තා සැලකිල්ලට ගත් මරණ පරික්ෂකවරයා දෙබරු ඇනීම නිසා දෙඹරු විෂ ශරිරගත වීමෙන් සිරුරේ කොටස් අකර්මන්ය වී මරණය වී ඇති බවට තින්දු කළේය.
