මොරටුව දිසා විනිසුරු තිළිණ ගමගේ ගේ සේවය අත් හිටුවීමට අධිකරණ සේවා කොමිෂන් සභාව පියවර ගෙන තිබේ.
නීති විරෝධීව අලි පැටවෙක් ලඟ තබා ගැනීම ඇතුළු චෝදනා සම්බන්ධයෙන් අධිකරණ සේවා කොමිසම විසින් සිදුකරන විමර්ශනයක් මත පදනම්ව මෙම සේවා තහනම සිදුකර ඇත.
සේවා තහනම සම්බන්ධයෙන් අධිකරණ සේවා කොමිෂන් සභාව තිළිණ ගමගේ වෙත ඊයේ (01) ලිඛිතව දැනුම් දී තිබිණි..
කොටුව මහේස්ත්රාත්වරයා කොළඹ ප්රධාන මහේස්ත්රාත් ලෙස කටයුතු කළ විනිසුරුවරයෙකි. ඔහු අනතුරුව මොරටුව මහේස්ත්රාත්වරයා සහ මොරටුව දිසා අධිකරණයේ දිසා විනිසුරුවරයා ලෙස සේවය කළේය.
මින් පෙර ඔහුට විෂමාචාර නඩුවක් සහ විනය සම්බන්ධ විමර්ශනයක් අධිකරණය ඉදිරියේ සිදුවුනේය. අලි පැටවෙක් නීති විරෝධීව ලඟ තබා ගැනීම සම්බන්ධ නඩුවකට අදාලව 2015 -16 වකවානුවේ දී වැඩ තහනමට ලක් වුන තිළිණ ගමගේ විනිසුරුවරයාට එරෙහිව එල්ල වුන අපරාධ නඩුවට අදාල චෝදනාවලින් ඔහු 2021 දෙසැම්බර් 16 වැනිදා නිදහස් කරනු ලැබුවේය. එහෙත් අධිකරණ සේවා කොමිෂන් සභාව විසින් පැවැත්විය යුතු විනය පරීක්ෂණය මග හැරී තිබිණි. එම විමර්ශනයේ අර්ථය ඔහු අධිකරණ සේවයට සුදුසු ද නැද්ද යන්න නිශ්චය කිරීමය.
මේ සඳහා වු විමර්ශනයට අදාල චෝදනා පත්ර තිළිණ ගමගේ විනිසුරුවරයා වෙත පසුගිය මස භාර දී තිබිණි. ඊට පිළිතුරු බැඳීමට ඔහුට දින 21ක කාලයක් ද ලැබී තිබිණි.
එම විමර්ශනයට අදාලව මෙම සේවා තහනම සිදුකර ඇති බව අධිකරණ සේවා කොමිෂන් සභාවේ ආරංචි මාර්ග පවසයි.
