වසරකට පෙනහළු පිළිකා රෝගීන් 2500 -3000ක් අතර පිරිසක් මෙරටින් වාර්තා වෙන බව සෞඛ්ය අංශ පවසයි.
වැලිසර ස්වසන රෝග පිළිබඳ පිළිබඳ ජාතික රෝහලේ පැවති මාධ්ය හමුවක දී අනාවරණය වූයේ කාන්තාවන් අතර ද පෙනහළු පිළිකා වර්ධනය වීමේ අවදානමක් පවතින බවය.
උරස් කුහර ශල්ය වෛද්ය විශේෂඥ සමන් ඉද්දගොඩ ප්රකාශ කරනු ලැබුවේ
ලංකාවේ වැඩිම වාර්තාවන්නේ මුඛ හා හනුක පිළිකා බවත් දෙවැනියට වැඩිම පිළිකා පිරිමි පුද්ගලයින්ගේ පෙනහළු පිළිකා බවත්ය.
පහුගිය අවුරුදු 5 -10 කාලය තුළ පෙනහළු පිළිකා ලංකාව තුළ වර්ධනයක් පෙන්නුම් කරන ආකාරයත් වෛද්යවරයා පෙන්වා දුන්නේය.
පෙනහළු පිළිකා ඇතිවීමට ප්රධානම හේතුව දුම් පානය බව සෞඛ්ය අංශ පෙන්වා දුන්න ද දුම් නොබොන පුද්ගලයින්ට ද පෙනහළු පිළිකා ඇතිවීමේ අවදානම වැඩි වී ඇති බවත් ඊට නිශ්චිත හේතුව මෙතෙක් අනාවරණය කරගෙන නැති නමුත් වායු දුෂණය එයට හේතුවන එක් කාරණාවක් විය හැකි බවත් විශේෂඥවරු පෙන්වා දෙති.
මුල් අවස්ථාව් දි හඳුනාගතහොත් පෙනහළු පිළිකා සියයට 100ක් සුව කළ හැකි බව වෛද්යවරු පවසති. කෙසේ වෙතත් පෙනහළු පිළිකා සම්බන්ධ ශල්යකර්ම කරන ලංකාවේ ප්රධානම ස්ථානය වූ වැලිසර ළය රෝහලේ ශල්යාගාරය ඉතාම පැරණි ශල්යාගාරයක් බවත් එය ඉදිවන්නේ වර්ෂ 1940 දශකයේ බවත් විශේෂඥ වෛද්යවරු කියති.
