දිත්වා සුළි කුණාටුව හේතුවෙන් ශ්රී ලංකාවට සිදුවී ඇති ඍජු භෞතික හානිය ඇමරිකානු ඩොලර් බිලියන 4.1 ක් බව අද (22) නිකුත් කර ඇති ලෝක බැංකු සමූහයේ ගෝලීය වේගවත් පශ්චාත් ආපදා හානි ඇස්තමේන්තු වාර්තාවක් (World Bank Group Global Rapid Post‑Disaster Damage Estimation (GRADE ) හෙළි කර තිබේ.
ශ්රී ලංකාවේ දළ දේශීය නිෂ්පාදිතයෙන් 4% කට පමණ සමාන මෙම අගය ජාතියේ භෞතික වත්කම්වලට ක්ෂණික ප්රහාරයක් එල්ල කර ඇති බවත්, එට ඉදිරි යථා තත්ත්වයට පත්වීමේ පරිමාණයට තියුණු බලපෑමක් ඇති කරනු ඇති බවත් අවධාරනය කරයි.
මෑත ඉතිහාසයේ වඩාත්ම තීව්ර හා විනාශකාරී සුළි කුණාටුව – දිස්ත්රික්ක 25 පුරාම මිලියන 2 කට ආසන්න ජනතාවකට සහ පවුල් 500,000 කට ආසන්න සංඛ්යාවකට දැඩි ලෙස බලපෑ අතර, ජීවනෝපායන්, අත්යවශ්ය සේව ඇතුළුව සමස්ථ ආර්ථිකයට දැඩි ලෙස බලපෑම් කරමින් බාධා ඇති කළේය.
කෙසේ වෙතත් මෙම වාර්තාව ආදායම්වලට හෝ නිශ්පාදනයන්ට අදාල පාඩු හෝ ප්රතිසංස්කරණයන් සඳහාවන සම්පූර්ණ පිරිවැය ඇතුළත් කර නැති බවත් සැබෑ ප්රතිසාධන අවශ්යතා සහිත ප්රධාන හානි ඇස්තමේන්තුව ඉදිරිපත් කළ අගයට වඩා සැලකිය යුතු ලෙස ඉක්මවා යනු ඇති බවත් එම වාර්තාවේ දැක්වේ.
මධ්යම පළාත විශාලතම හානියට මුහුණ දුන් අතර, මහනුවර දිස්ත්රික්කයේ හානි ඇමරිකානු ඩොලර් මිලියන 689 ක් ලෙස ඇස්තමේන්තු කර තිබේ.
රට පුරා, මාර්ග, පාලම්, දුම්රිය මාර්ග සහ ජල සැපයුම් ජාල ඇතුළුව යටිතල පහසුකම් ඇමරිකානු ඩොලර් බිලියන 1.735 (42%) ක දැවැන්ත හානියක් වාර්තා කර ඇත.
වාර්තාව ප්රකාරව නේවාසික ගොඩනැගිලි සහ සම්බන්ධ ඉදිකිරීම්වලට සිදුවූ හානිය ඇමරිකානු ඩොලර් මිලියන 985 කි.
කෘෂිකාර්මික අංශයට ඇමරිකානු ඩොලර් මිලියන 814 ක හානියක් සිදුවී තිබේ. මෙම හානිය දැනට අවදානමට ලක් විය හැකි ප්රජාව තුළ ග්රාමීය ජීවනෝපායන් සඳහා බරපතල අවදානම් ඇති වනකරන බවද වාර්තාව සලකුණු කරයි. වී සහ එළවළු භෝග, යැපුම් ගොවිතැන, බඩ ඉරිඟු, පශු සම්පත්, කෘෂිකාර්මික යටිතල පහසුකම් සහ අභ්යන්තර ධීවර කර්මාන්තයට එල්ල කළ හානිය ආහාර සුරක්ෂිතතාව සහ ග්රාමීය ජීවනෝපායන් සඳහා බරපතල අවදානම් ඇති ඇති බවද එහි දැක්වේ.
සුළි කුණාටු බලපෑමට ලක් වූ ප්රදේශවල අධ්යාපනය, සෞඛ්ය සේවා සැපයීම සහ දේශීය ආර්ථික ක්රියාකාරකම් වලට බාධා කරමින් සිදුකළ ව්යසනය ඇමරිකානු ඩොලර් මිලියන 562 ක් බවද වාර්තාවේ සඳහන්ය.
ලෝක බැංකු සමූහය දරුණුතම බලපෑමට ලක් වූ ප්රදේශ යථා තත්ත්වයට පත් කිරීම සහ අත්යවශ්ය සේවා සහ යටිතල පහසුකම් – සෞඛ්ය සේවා, ජලය, අධ්යාපනය, කෘෂිකර්මාන්තය නගාසිටුවමින් ජන ජීවිතය යථාවත් කිරීමට සහාය වීම සඳහා අඛණ්ඩ ව්යාපෘති වලින් ඇමරිකානු ඩොලර් මිලියන 120 ක් දක්වා ප්රතිපාදන වෙන් කර ඇති බව ද වාර්තාවේ දැක්වේ.
