දැඩි අර්බුදකාරී අවස්ථාවකට මුහුණ දී සිටින මොහොතක සිය අසල්වැසියෙකුට සහය දැක්වීමට ඉන්දියාව පියවර නොගතහොත් එය ඉන්දියාව සිය වගකීම් පැහැර හැරීමක් වනු ඇති බව ඉන්දීය විදේශ කටයුතු අමාත්ය එස් ජයශංකර් ඊයේ (7) පවසා ඇත.
ඉන්දීය රජය ශ්රී ලංකාවට සහය දැක්වීමට ඉදිරිපත් වීමේ ස්ථාවරය පැහැදිලි කරමින් ඔහු මේ බව ප්රකාශ කර තිබේ.
නිදහසින් පසු ශ්රී ලංකාවේ දරුණුතම ආර්ථික අර්බුදයේදී ඉන්දියාව ශ්රී ලංකාවට ලබාදුන් ආර්ථික සහයෝගය මුළු රටටම ලබාදුන් එකක් මිස කිසිදු වාර්ගික ප්රවේශයක් මත පදනම් වූවක් නොවන බවද ඔහු පැවසීය.
රාජ්ය සභාවේදී විදේශ ප්රතිපත්තිය පිළිබඳ සිය ස්වේච්ඡා ප්රකාශය පිළිබඳව මන්ත්රීවරුන් විසින් කළ විමසීමකට පිළිතුරු ලෙස අමාත්යවරයා පැහැදිලි කළේ එක්සත් ජාතීන්ගේ මානව හිමිකම් කොමිසමේ ශ්රී ලංකාවට එරෙහිව ඉන්දියාව ඡන්දය ප්රකාශ කිරීමෙන් වැළකී සිටීම පසුගිය රජයන් ද අනුගමනය කළ දිගුකාලීන ස්ථාවරයට අනුකූල වන බවයි.
එය “ශ්රී ලංකාවේ දෙමළ ප්රජාවගේ උනන්දුව ඉදිරියට ගෙන යෑම සඳහා ආමන්ත්රණය කළ හැකි වඩාත්ම සාධනීය ක්රමය“ බවත් “එය දිගමට පවත්වාගෙන යන ඉන්දීය රජයේ ප්රවේශය” බවත් ඔහු පැවසීය.
ශ්රී ලංකාවට දක්වන සහයෝගය පිළිබඳව ඔහු පැවසුවේ මෙවැන්නකි.
“දෙමළ ප්රජාවද ඇතුළත් සමස්ත ශ්රී ලංකාවටම අපි සහයෝගය ලබාදී තිබෙනවා”
“සහය දීමේදී අපි වාර්ගික ප්රවේශයක් ගෙන නැහැ, මෙවැනි බරපතල ආර්ථික තත්වයක අසල්වැසියෙකු සිටින අවස්ථාවක අපි ඒ මොහොතේ ඉදිරියට නොගියහොත් එය අපි අපගේ වගකීම් පැහැර හැරීමක් වනු ඇත. ඒ අවස්ථාවේ දී අප කළ යුත්ත නිවැරදිවම කළා“. ඔහු කීවේය.
