මහනුවර ශ්රී දළදා මාලිගාව සම්බන්ධයෙන් අපහාසාත්මක ප්රකාශ සිදුකළ බවට අත්අඩංගුවට ගත් සමාජ මාධ්ය ක්රියාකාරිකයෙකු වන සේපාල් අමරසිංහ පෙබරවාරි 21 දක්වා යළි රක්ෂිත බන්ධනාගාරගත කිරීමට කොළඹ මහේස්ත්රාත් අධිකරණය අද නියෝග කළේය.
ශ්රී දළදා මාලිගාව සම්බන්ධයෙන් ආන්දෝලනාත්මක ප්රකාශ කිහිපයක් සිය යූ ටියුබ් නාලිකාව ඔස්සේ සිදුකිරීමෙන් අනතුරුව ඔහු අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගනු ලැබුවේ පසුගිය ජනවාරි මස 5 වනදාය.
මල්වතු සහ අස්ගිරි මහානායක හිමිවරුන් විසින් මේ සම්බන්ධයෙන් ජනාධිපති රනිල් වික්රමසිංහගේ අවධානය යොමු කිරීමෙන් පසු පොලිස්පතිවරයාගේ නියෝගයකට අනුව ඔහු අත්අඩංගුවට ගැනීම සිදු කර තිබිණි.
සේපාල් අමරසිංහ විසින් සමාජ මාධ්ය ජාල ඔස්සේ ප්රචාරය කරන ලද වීඩියෝ දර්ශනවල බුදුදහමට අපහාසවන ආකාරයේ ප්රකාශ ඇතුළත් බව මල්වතු අස්ගිරි මහනායක හිමිවරු ජනාධිපතිවරයා වෙත ඒකාබද්ධ ලිපියක් යොමු කරමින් ප්රකාශ කළහ.
මෙමගින් බුදුදහමට හා ඓතිහාසික ශ්රී දළදා මාලිගාවට හානියක් සිදුවන බව පැවසූ මහානායක හිමිවරු මේ සම්බන්ධයෙන් කඩිනමින් අවශ්ය පියවර ගන්නා ලෙස ජනාධිපති රනිල් වික්රමසිංහගෙන් ඉල්ලා සිටියහ.
