ශ්රියානි විජේසිංහ –
නුවර පළමු රන්දෝලි පෙරහැර පැවැත්වෙන අද (4) දිනය වන විට දන්සැල් 549ක් සහ වීදි වෙළෙදුන් 236ක් දෙනා ලියාපදිංචි වී ඇති බව මහනුවර මහ නගර සභාවේ ප්රධාන වෛද්ය නිලධාරි පසන් පැරකුම් ජයසිංහ පවසයි.
පෙරහැර නැරඹීමට පැමිණෙන බැතිමතුන්ට ආහාරපාන නොමිලේ ලබා දීමට ලියාපදිංචි වී ඇති දන්සැල්වල පිළියෙළ කරන ආහාර මහජන සෞඛ්ය පරික්ෂකවරුන්ගේ අධීක්ෂණයට ලක්වෙන බවත් නගර සභාවෙන් නිකුත් කරන පානීය ජලය දිනපතා ක්ලෝරීන්කරනය කර පිරිසිදු කිරීමට කටයුතු කරන බවත් වෛද්ය ජයසිංහ ලංකාසර වෙත පැවසුවේය.
මාර්ගයන් පිරිසිදු කිරීමට අවශ්ය කම්කරුවන් යොදාව ඇති බවත් කැළි කසළ බැහැර කිරීමට වෙන් කරන ලද කසල බඳුන් මාර්ගයේ තබා ඇති බවත් පෙන්වා දෙන වෛද්ය ජයසිංහ කසළ බඳුන් නොමැති ස්ථානයන් හී රැදී සිටින බැතිමතුන් වෙත නගර සභා සේවකයන් ගොස් කැළි කසල එකතු කිරීමේ ක්රමවේදයක්ද ක්රියාත්මක කර ඇති බවද පැවසුවේය.
මීට අමතරව නැටුම් කණ්ඩායම් සහ ආරක්ෂක නිලධාරින්ට අවශ්ය නවාතැන් පහහසුකම්, සනිපාරක්ෂක පහසුකම් සහ ආහාරපාන ලබා දීමට ද නගර සභාව මගින් ක්රමවත්ව ක්රියාත්මක කර ඇති බවද වෛද්යවරයා කීවේය.
