දිනසේන රතුගමගේ –
තෛපොංගල් සමයේදී යාපනයේ වැල්වෙට්ටිතුරෙයි මුහුදු තීරයේ වාර්ෂිකව පැවැත්වෙන මහා සරුංගල් තරගයට ඉදිරිපත් කිරීම සදහා යාපනයේ තරුණයින් පිරිසක් විසින් අඩි 40 ක් පමණ උස ඉතා අලංකාර සරුංගලයක් සකසා ඇත.
මෙම සරුංගලය අහසට යැවීම සදහා විශාල සුළං බලයක් අවශ්ය නිසා ඊට ගැලපෙන පැරිෂූටයක් වැනි මෙවලමක්ද ඔවුන් විසින් විශාල ඉටිරෙද්දකින් නිපදවා තිබේ.
සරුංගලය සැකසූ තරුණයෝ සරුංගල් තරගයට පෙර සරුංගලය අත්හදා බැලූහ. යාපනයේ වැල්වෙටිතුරෙයි අසල කුඩා ක්රීඩාංගණයකදී අත්හදා බලමින් සිටියදී මෙම ඡායාරූපය ගැනීමට හැකි වුණි.
යාපනයේ සරුංගල් සැකසීම හා ඒවා අහසට යැවීම සම්බන්ධයෙන් ඉතා දිගු ඉතිහාසයක් මෙන්ම රසවත් මෙන්ම දුක්බර කතාද මහා ගොඩක් තිබේ.
අහසට සරුංගලයක් යවමින් සිටි තරුණයෙකු සරුංගලය සමග ඉහල අහසට ඇදී ගොස් අඩි අසූවක් පමණ ඉහලට ගොස් ආපසු බිම ඇද වැටී තුවාල ලැබීමේ සිද්ධිය මීට වසර තුනකට පමණ පෙර වාර්තා විය.
එම සිද්ධිය ඇතුළත් වීඩියෝව තවමත් වරින් වර මුළු ලෝකය පුරාම සංසරණය වෙමින් පවතී.
