තැපැල් සේවය පුරා ඇති දැඩි කාර්ය මණ්ඩල හිඟය ඇතුළු නොවිසඳුණු ගැටලු රැසකට විරෝධය පළ කරමින්, තැපැල් හා විදුලි සංදේශ නිලධාරීන්ගේ සංගමය ඊයේ ( 28 ) මධ්යම රාත්රියේ සිට දිවයින පුරා දින දෙකක වැඩ වර්ජනයක් දියත් කර තිබේ.
තැපැල් හා විදුලි සංදේශ නිලධාරීන්ගේ සංගමයේ සභාපති ජී.ජී.සී. නිරෝෂන් ප්රකාශ කළේ, තැපැල් දෙපාර්තමේන්තුවේ දිගු කාලීනව පවතින පුරප්පාඩු පිරවීම සඳහා රජය කිසිදු අර්ථවත් පියවරක් ගැනීමට අපොහොසත් වී ඇති බවත්, ඒවායින් සමහරක් 2016 සිට විසඳා නොමැති බවත්ය.
මැයි 30 වන දින මධ්යම රාත්රිය දක්වා පවතින මෙම වැඩ වර්ජනය රට පුරා තැපැල් කාර්යාලවලට බලපාන අතර තැපැල් සහ පාර්සල් බෙදා හැරීමේ සේවාවන් සැලකිය යුතු ලෙස අඩාල කරනු ඇතැයි අපේක්ෂා කෙරේ.
තැපැල් හා විදුලි සංදේශ නිලධාරීන්ගේ සංගමයේ සභාපති ජී.ජී.සී. නිරෝෂන් අවධාරණය කළේ නිලධාරීන්ගේ හිඟය අභ්යන්තර මෙහෙයුම්වලට පමණක් නොව අත්යවශ්ය බෙදාහැරීම් සඳහා තැපැල් සේවය මත විශ්වාසය තබන මහජනතාවට ද බලපාන බවයි.
“නවීන සේවාවන් හඳුන්වා දී තිබෙනවා, නමුත් ශ්රම බලකාය ඉතා පහත් මට්ටමකට හැකිලී තිබෙන්නේ. දෙපාර්තමේන්තුව දැනට නිලධාරීන් 2,000 කට අධික සංඛ්යාවක හිඟයකින් ක්රියාත්මක වෙන්නේ,” ඔහු පැවසීය.
තැපැල් මූලස්ථානය ඉදිරිපිට අද (29) පෙරවරුවේ පැවැත්වෙන උද්ඝෝෂණයෙන් අනතුරුව සිය ඉල්ලීම් 15ක් ඇතුළත් සංදේශයක් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස වෙත පා ගමනින් ගොස් භාර දෙන බවත් තැපැල් හා විදුලි සංදේශ නිලධාරින්ගේ සංගමය පැවසුවේය.
