ඉන්දීය අග්රාමත්ය නරේන්ද්ර මෝදිගේ ඇමරිකා එක්සත් ජනපද සංචාරයේදී නිකුත් කළ ඒකාබද්ධ ප්රකාශය මගින් ත්රස්තවාදී සංවිධාන සඳහා අරමුදල් ගලා යාම අඩාල කිරීමටත් මුදල් විශුද්ධීකරණය වැලැක්වීමටත් අදාලව මුල්ය ක්රියාකාරී කාර්ය සාධක බලකායට සිය මෙහෙයුම් ඉහළ දමන ලෙසට ඉල්ලා තිබේ.
එම ඒකාබද්ධ ප්රකාශයෙන් සියලුම ත්රස්තවාදී කණ්ඩායම්වලට එරෙහිව ‘ක්ෂණික ක්රියාමාර්ගයක්’ ගන්නා ලෙසට පාකිස්තානයෙන් ඉල්ලීමක්ද කර සිටියේය.
අග්රාමාත්ය නරේන්ද්ර මෝදිගේ පළමු ඉන්දීය සංචාරය මෙය වන අතර මෙහිදී දෙරටටම වැදගත් කරුණු රැසක් දෙරටේ නායකින් විසින් දීර්ඝ වශයෙන් සාකච්ඡා කෙරිණි.
මේ අතර “මුදල් විශුද්ධිකරණය සහ ත්රස්තවාදයට මුදල් සැපයීමට එරෙහිව සටන් කිරීම සඳහා එහි ප්රමිතීන් ගෝලීය වශයෙන් ක්රියාත්මක කිරීම වැඩිදියුණු කරන්නේ කෙසේද යන්න හඳුනා ගැනීම සඳහා මුල්ය ක්රියාකාරී කාර්ය සාධක බලකාය විසින් වැඩිදුර වැඩකටයුතු සිදු කරන ලෙස” නායකයින් දෙදෙනා ඉල්ලා සිටින බවද එකාබද්ධ ප්රකාශය සඳහන් කළේය.
බුද්ධි තොරතුරු හුවමාරු කර ගැනීම සහ නීතිය ක්රියාත්මක කිරීමේ සහයෝගීතාව ඇතුළුව “ප්රතිත්රස්ත මෙහෙයුම් සහ ස්වදේශීය ආරක්ෂක සහයෝගීතාව” සම්බන්ධයෙන් එක්සත් ජනපද සහ ඉන්දියානු රජයන් අතර සහයෝගීතාවය ද මෙම ප්රකාශයෙන් පෙනීයන බවද විශ්ලේෂකයින් පෙන්වා දෙයි.
මෙහිදී මුම්බායි ත්රස්තප්රහාරයට සම්බන්ධ පුද්ගලයින් පාකිස්තාන රැකවරනයෙන් තබා ගැනීම සම්බන්ධයෙන් එක්සත් ජනපදය සහ ඉන්දියාව එක්ව බලපෑම් කිරීමට හැකියාවක් නිර්මාණය වී ඇත.
එහිදී දෙරටම එක්ව ත්රස්තවාදී ක්රියාවන් වැලැක්වීමටත් ත්රස්ත සංවිධාන ශක්තිමත් කිරීමට අවශ්ය අරමුදල් සැපයිම වැලැක්විමට හැකියාව නිර්මාණය වී ඇත. එමගින් ඉන්දියාවට පාකිස්තානය දෙසින් එල්ලවීමට හැකියාව පවතින ත්රස්ත අවදානම් යම් ආකාරයකින් පාලනය කිරීමටද අවස්ථාව උදාවේ.
