ඌව පළාත් ආණ්ඩුකාර ඒ.ජේ.එම්. මුසම්මිල් ගේ පුත් මොහොමඩ් ඉෂාම් ජමාල්ඩීන් කොළඹ හැව්ලොක් උද්යානයේ මහල් නිවාස සංකීර්ණයකදී තරුණියකට පහරදීමේ සිද්ධියක් සම්බන්ධයෙන් අත්අඩංගුවට ගැනීමට පොලිසිය විමර්ශනයක් ආරම්භ කර තිබේ.
පොලීසිය පැවසුවේ, අද ( 02) අලුයම මෙම කාන්තාවට ජමාල්ඩීන් විසින් පහර දී ඇති අතර, ඇය තුවාල ලබා පෞද්ගලික රෝහලකට ඇතුළත් කර ඇති බව ය.
ඔහුගෙන් පහර කා ඇත්තේ ශ්රී ලංකාවේ ප්රසිද්ධ ව්යාපාරිකයෙකුගේ දියණියකි. මෙම කාන්තාව ඕස්ට්රේලියානු පුරවැසියෙකු සමග විවාහ වී සිටින බව පොලිසිය කියයි.
පහරදීම සම්බන්ධයෙන් ලැබුණු පැමිණිල්ලකට අනුව වැල්ලවත්ත පොලිසිය විමර්ශන සිදු කළ අතර කොල්ලුපිටිය සහ කැප්පෙටිපොළ ප්රදේශවල පිහිටි ඔහුගේ නිවෙස් පුළුල් සෝදිසි කිරීම් ආරම්භ කර තිබේ.
කෙසේ වෙතත්, ඔහු තවමත් අත්අඩංගුවට ගෙන නොමැත.
කෙසේ වෙතත් මේ සිද්ධිය සම්බන්ධයෙන් අධිකරණයට දන්වා ජමාල්ඩීන්ට විදේශ ගමන් තහනමක් ද ලබාගෙන ඇති බව පොලිසිය සඳහන් කළේය.
