දිනකට ප්ලාස්ටීක් අපද්රව්ය ටොන් 938ක් අප පරිසරයට බැහැර කරන බවත් ඉන් ප්රතිචක්රීකරණය වන්නේ ටොන් 34ක් පමණක් බවත් අද පාර්ලිමේන්තුවේ දී ප්රකාශ වුනේය.
ප්රතිපත්තියක් අනුව ප්ලාස්ටීක් කළමනාකරණය කිරීමෙන් පමණක් ඩොලර් මිලියන ගණනක් ඉතිරිකර ගත හැකි බව පෙන්වා දෙමින් මේ වැදගත් විවරණය පාර්ලිමේන්තුව හමුවේ තැබුවේ සමගි ජන බලවේගයේ පාර්ලිමේන්තු මන්ත්රී අජිත් මාන්නප්පෙරුම විසිිනි.
මාසිකව පෙට් ප්ලාස්ටීක් බෝතල් ටොන් අටසීයයක් පරිසරයට මුදාහරින අප එම ප්ලාස්ටීක් ප්රතිචක්ක්රීකරණයේන් හදා ගන්නා ප්ලාස්ටීක් කෙඳි ආනයනය වෙනුවෙන් ඩොලර් මිලියන 1.9ක් වියදම් කරන බව මාන්නප්පේරුම මන්ත්රීවරයා කීවේය.
ඔහු මෙසේ ද පැවසුවේය.
“ප්ලාස්ටික් අපද්රව්ය දිනකට ටොන් නවසිය තිස් අටක් එළියට එනවා. ප්ලාස්ටික් කියන්නෙ ලංකාවෙ නිශ්පාදනයක් නෙමෙයි. පිටරටින් ආනයනය කරන එකක්. ඩොලර් වියදම් කරලා ප්ලාස්ටික් ගේන්නේ.
අපි දිනකට ප්ලාස්ටීක් ටොන් නවසිය තිස් අටක් පරිසරයට විසි කරනවා. දිනට එකතු කරගන්නවා ටොන් 300ක්. ප්රතිචක්රීකරණය කරන්නේ ටොන් 34යි දවසකට.
දිනකට අවිධිමත් ලෙස එතුවන ප්ලාස්ටීක් ප්රමාණය බැලූ විට ටොන් 638ක් අවිධිමත් විදිහිට එකතු වෙනවා. අවිධිමත් ලෙස එකතුවන ප්ලාස්ටීක් ටොන් 8.4ක් ජල මූලාශ්ර වෙත යනවා. පුද්ගලයො තමන්ගේ ප්රදේශ තුළ විසුරුවනවා ටොන් 129ක් දවසකට විසුරුවනවා.
තවත් පිරිසක් ප්ලාස්ටික් පුච්චනවා. එය ඉතාම වැරදි අපරාධකාරී ක්රියාවක්. ඒක වායු දුෂණය කිරීම සම්බන්ධ වරදක්. දඩ නියම කරන වරදක්. දිනකට ටොන් 419.47ක් පුච්චනවා.
ප්සාටීක් අවම කරගන්න පුලුවන්නම් හිතන්න පුලුවන් ගොඩක් දේ ඉතිරි වෙනවා. අපි ප්ලාස්ටීක් වෙනුවේන ඩොලර් මිලියන ගානක් පූජා කරනවා. මුදල් අමාත්යාංශයක් ලෙස මේ ගැන හිතන්න.
ප්ලාස්ටීක් ටොන් 1900ක් ගෙන්වනවා පෙට් බෝතල් හදන්න . ඒ සඳහා කෝටි 875ක් වියදම් කරනවා. නමුත් ඩොලර් මිලියන 26ක් වියදම් කරලා ගේන පෙට් ප්ලාස්ටීක්වලින් දිනකට කරගන්නේ බොහොම පොඩි ප්රමාණයක්. පෙට් ප්ලාස්ටීක් ටොන් 800ක් පරිසරයට මුදා හරිනවා. ඒ ප්ස්ටික් බෝතල්වලින් හදන ප්ලාස්ටීක් කෙඳි අපි රටින් ගෙන්වනවා ඩොලර් මිලියන 1.9ක් වියදම් කරලා. මොකක්ද මේ වැඩේ…
වැදගත්ම දේ මොකක්ද දන්නව ද . රටේ ගංගාවල පරිසරයේ උවදුරක් ලෙස ප්ලාස්ටීක් ගොඩගැසෙද්දි ප්ලාස්ටීක් සුන් බුන් ලංකාවට ගෙන්වන්න විතරක් ඩොලර් මිලියන 3ක් අපි වියදම් කරනවා.
මෙවැනි විවිධ නාස්තිකාරී වියදම් අවම කරගැනීමෙන් මේ රටේ ජනතාවට අනවශ්ය බදු බරක් නොපටවා කළමනාකරණය කරගන්න රටට පුලුවන් . මුදල් අමාත්යාංශය මේ ගැන හිතන්න.
අජිත් මාන්නප්පෙරුම මන්ත්රීවරයා කීවේය.
