රන්ජන් ජයලාල් පාර්ලිමේන්තු වරප්රසාද කමිටුව වෙත කැඳවන ලෙස විදුලි බල හා බලශක්ති ඇමති කාංචන විජේසේකර අද (20) පාර්ලිමේන්තුවේ දී කතානායකවරයාගෙන ඉල්ලා සිටියේය. ඇමතිවරයා පැවසුවේ ලංකා විදුලි පොදු සේවක සංගමයේ රන්ජන් ජයලාල් උත්තරීතර පාර්ලිමේන්තුවටත් පාර්ලිමේන්තු මන්ත්රිවරුන්ටත් අගෞරවයක් ඇතිවන ආකාරයේ සාවද්ය ප්රකාශයක් කර ඇති බවය.
ලංකා විදුලි පොදු සේවක සංගමය නියෝජනය කරන රන්ජන් ජයලාල් 2024 ජනවාරි මස 22 දින මාධ්ය හමුවක් පවත්වමින් පාර්ලිමේන්තුව කෝටි හතක් ලංකා විදුලිබල මණ්ඩලයට පොලු තියලා ලෙස ප්රකාශයක් කර තිබුණ බවත් එදිනම රාත්රී ප්රවෘත්ති තුළින් ද පසු දා පුවතපත්වලින් ද මෙ කතාව පල කර තිබුණු බවත් පවසන ඇමතිවරයා කීවේ මෙය මුලුමන්නිම අසත්ය වෛරී ප්රකාශයක් බවය.
“මේ සම්බන්ධයෙන් පාර්ලිමේන්තුවෙන් සහ විදුලි බල මණඩලයෙන් ඉල්ලූ අවස්ථාවේ දී එය අසත්ය ප්රකාශයක් බවත්, ජනතාව නොමග යවන සුළු එකක් බවත් තහවුරු වුනා.”
“විශේෂයෙන්ම විදුලිබල මණ්ඩලයෙන් මට ලැබුණ තොරතු අනුව රාජ්ය ආයතනයක් මෙන්ම ඕනෑම ආයතනයක් ලෙස නියමිත කලට විදුලි බිල ගෙවීමට පහුගිය කාලය තුළම පාර්ලිමේන්තුව කටයුතු කරලයි තියෙන්නේ. ඒ නිසා රටේ ජනතාවට උත්තරිතර පාර්සලිමේන්තුව සම්බන්ධයෙන් සහ මන්ත්රීවරුන් සම්බන්ධයෙන් මේ අසත්ය ප්රකාශය සිදුකළ රන්ජන් ජයලලා නැමැත්තා පාර්ලිමේන්තු වරප්රසාද කමිටුව වෙත ගෙන්වන්න කියලා මා ඉල්ලා සිටිනවා.” ඇමතිවරයා කිවේය.
