-
අත්අඩංගුවේ දී මිය ගිය සිරකරුවන් ගැන තොරතුරු සහිත ලිපිගොනු බලලා..
-
ත්රස්තවාදය වැළැක්වීමේ පනත යටතේ නඩු නැතිව බන්ධනාගාරගත කර ඇති පුද්ගලයින්ගේ තොරතුරු අධීක්ෂණය කරලා…
-
ලොහාන් තවමත් රාජ්ය ඇමති ධුරයක් දරන්නේ කෙසේ දැයි අහලා…
ජී.එස්.පී ප්ලස් සහනය දීර්ඝ කිරීම සම්බන්ධයෙන් සමාලෝචනය කිරීම සඳහා මේ වනවිට ශ්රි ලංකාවට පැමිණ සිටින දූත පිරිස ශ්රි ලංකාවේ නියෝජිතයන් සමඟ සිදු කළ සාකච්ඡාවලදී පසුගියදා වැලිකඩ සහ අනුරාධපුර බන්ධනාගාරවල දී රාජ්ය අමාත්ය ලොහාන් රත්වත්තේ සම්බන්ධ වූ සිදුවීම පිළිබඳව දීර්ඝ ලෙස වාචිකව ප්රශ්න කර ඇත.
ශ්රි ලංකාව පාර්ශ්වයෙන් ඔවුන් සමඟ කරුණු දැක්වීම සඳහා ක්රියාකාරී කණ්ඩායමක් රජය මඟින් පත් කරන ලද අතර එම කමිටුව සමඟ පැවති සාකච්ඡාවලදී මේ ගැන ප්රශ්න කළ බවත් ඔවුන් ඇසු ප්රශ්න පිළිබඳව සැලකීමේදී ඔවුන් මෙරටට පැමිණීමට පෙර සිටම මේ පිළිබඳව පූර්ණ අවබෝධයක් ලබා තිබූ බවට විශ්වාස කරන බවත් ලංකාසරට කරුණු දැක්වූ ආරංචි මාර්ග සඳහන් කළේය.
එම වාචික ප්රශ්න කිරීම්වලදී මේ සම්බන්ධයෙන් රජය ගෙන ඇති ක්රියාමාර්ග සම්බන්ධයෙන් සහ එහි පවතින ප්රගතිය පිළිබඳව ද විමසූ අතර ඔහු තවදුරටත් රාජ්ය ආමත්යවරයකු ලෙස කටයුතු කිරීම පිළිබඳව සහ ඔහු ගේ ක්රියාකාරකම් පිළිබඳවද විමසා ඇත.
මෙහි දී ශ්රි ලංකාව පාර්ශ්වයෙන් ඊට සහභාගී වූ නිලධාරීන් කණ්ඩායම මේ වනවිට මෙම සිදුවීම පිළිබඳව පූර්ණ අපක්ෂපාතී පරීක්ෂණයක් පැවැත්වීමට විශ්රාමික විනිසුරුවරියකගෙන් සමන්විත කමිටුවක් පත් කර ඇති බව සහ අපරාධ පරීක්ෂණ දෙපාර්තමේන්තුව විසින් විමර්ශනයක් ආරම්භ කරනු ලැබ ඇති බව පෙන්වා දී ඇත.
කෙසේ වුවද එම විමර්ශනවල දී ලද ප්රගතිය ඊළඟ ඇගයීම්වලදී දූත පිරිසේ අවධානයට යොමු වීමට බොහෝ විට ඉඩ ඇතැයි මෙම ආරංචි මාර්ග තවදුරටත් සඳහන් කළේය.
එම සාකච්ඡාවලදී මෙම දූත පිරිස මරණ දඬුවම ක්රියාත්මක කිරීම සම්බන්ධයෙන් තමන් විරෝධය දක්වන බවද සඳහන් කර ඇති අතර ඉදිරියේදී සිදු කෙරෙන නීති සංශෝධනවලදී එය වෙනස් වනු ඇතැයි අපේක්ෂා කර ඇත.
එසේම පසුගිය කාලය තුළ අත්අඩංගුවේ සිටි සැකකරුවන් මිය යාමේ සිදුවීම් ත්රස්තවාදය වැළැක්වීමේ පනත යටතේ රඳවාගෙන සිටින පුද්ගලයන් සම්බන්ධ ලිපි ගොනුද පරික්ෂා කළ බව දැන ගන්නට තිබේ.
