රජයට ලබාදුන් සහයෝගයෙන් ඉවත් වි සිටින ලංකා කම්කරු කොන්ග්රසයට යලිත් රජය සමග එක් වි කටයුතු කරන්නේ නම් තමන් දැරූ ක්රීඩා අමාත්ය ධුරයත්, ඩිජිටල් තාක්ෂණ රාජ්ය අමාත්ය ධුරයත්, වතු යටිතල පහසුකම් අමාත්යාංශය සහ පශු සම්පත් අමාත්යංශයත් ලබා දීමට හිටපු ක්රීඩා ඇමති නාමල් රාජපක්ෂ පොරොන්දු වූ බව එම පක්ෂයේ ජාතික සංවිධායක පි.සත්තිවේල් පවසයි.
ජිවන් තොණ්ඩමන්ට එම අමාත්ය ධුරය බාරගැනීමට නොහැකි නම් එම කැබිනට් අමාත්ය ධුරය තම පක්ෂයේ සභාපති සහ භාණ්ඩාගාරික මරුදපාණ්ඩි රමේෂ්වරන්ට ලබා දිය හැකි බව ද නාමල් රාජපක්ෂ පැවසූ බව පී. සත්තිවේල් තවදුරටත් කියයි.
පි.සත්තිවේල් මාධ්යයට ප්රකාශයක් කරමින් හෙළි කළේ තම පක්ෂය නාමල් රාජපක්ෂ හරහා රජය විසින් ගෙනා යෝජනාව ප්රතික්ෂේප කළ බවය.
තම පක්ෂයේ මහ ලේකම් ජීවන් තොණ්ඩමන් රටේ පවතින ආර්ථික හා දේශපාලන අර්බුදය හමුවේ පීඩාවට පත් ජනතාව පාර්ශවයේ හිඳිමින් රාජ්ය අමාත්ය ධුරයෙන් ඉල්ලා අස්වුණ බවත් තම පක්ෂයෙන් පාර්ලිමේන්තුව නියෝජනය කළ මරුදපාණ්ඩි රමේෂ්වරන් ද රජයට ලබාදුන් සහයෝගයෙන් ඉවත් වූ බවත් කී ඔහු මෙසේ ද පැවසුවේය.
“අපට අවශ්ය තනතුරු නෙවෙයි…. මේ රටේ වතු කම්කරුවන් ඇතුළු බහුතර ජනතාව ඉන්ධන , ගැස් නැතිව පීඩා විඳිනවා. ඔවුන් ආර්ථික අර්බුධ රැසකට මැදි වෙලා ඉන්නෙ. එවන් අවස්ථාවක එම ජනතාවට මුලින්ම සහන සැලසිම තමයි රජය කල යුත්තේ.“
“අපි රජයෙන් ඉවත් වුණෙත් වත්මන් රජයේ ක්රියාපටිපාටිය පිලිබඳව සැහීමකට පත් නොවු නිසා.“
“සමස්ථ රටේ ජනතාවම වත්මන් රජය කෙරෙහි අප්රසාදය පල කරන අවස්තාවක අපට රජයේ කැබිනට් අමාත්ය ධුර අරගෙන වැඩක් නැ.
විපක්ෂයෙන් රජයට එරෙහිව ගෙන එන විශ්වාසභංග යෝජනනාවේදි අපි මධ්යස්ථව ඉන්න තිරණය කරලා තියෙනවා“ යනුවෙන් පැවසිය.
