අද ( 17) උදෑසන වනවිටත් හමාස් අත් අඩංගුවේ ජීවතුන් අතර ඇතැයි විශ්වාස කළ ඊශ්රයාලයේ දී අතුරුදහන් වූ ශ්රී ලාංකික කාන්තාව අනුලා ජයතිලක, හමාස් සටන් කරුවන් අතින් ඝාතනය වී ඇතැයි ඊශ්රයාල ශ්රී ලංකා තානාපති කාර්යාලය අද දහවල් නිවේදනය කර ඇත.
ඊශ්රයාල බලධාරීන් ඒ මරණය නිල වශයෙන් තහවුරු කළේ යැයි තානාපති කාර්යාලය උපුටා දක්වමින් දෙරණ වාර්තා කර තිබේ.
වාර්තා අනුව දින දෙකක් තුළ ඇයගේ දේහය ඊශ්රයාල බලධාරීන් විසින් ශ්රී ලංකා තානාපති කාර්යාලය වෙත භාර දීමට නියමිතව ඇත.
කෙසේ වෙතත් පසුගිය සතියේ 7th NEWS වෙබ් අඩවියේ පලවුන වීඩියෝවක් අනුව අනුලා ජයතිලක ජීවතුන් අතර සිටින බවට පවුලේ පිරිස් දැඩි ලෙස විශ්වාස කර එය විදේශ කටයුතු අමාත්යාංශයට, විදේශ සේවා නියුක්ති කාරයාංශයට, ඊශ්රයාලයේ ශ්රී ලංකා තානාපති කාර්යාලයට යොමු කර තිබිණි.
එහිදී ඇය පසුගිය වසරේ ලංකාවට පැමිණි පසු ඇයට තෑගි ලැබී තිබුණ බ්ලව්සයකට සමාන ඇඳුමකින් සැරසී කොණ්ඩය තනි කරලක් සේ ගොතාගෙන සිටින කාන්තාවකගේ නොපැහැදිලි චලන රූපය ඇයගේ බව පවුලේ උදවිය කීහ.
