2022 දී ශ්රී ලංකාවේ ජනාධිපතිවරුන් වෙනස් කිරීම රටේ මානව හිමිකම් තත්ත්වයේ කිසිදු දියුණුවක් ඇති කිරීමට හේතු නොවූ බව හියුමන් රයිට්ස් වොච් අද (12) ලෝකයේ මානව හිමිකම් තත්ත්වය සමාලෝචනය කරන සිය 2023 වාර්තාව හරහා ප්රකාශ කළේය.
පසුගිය වසරේ ශ්රී ලාංකිකයන් දහස් ගණනක් පාරට බැස්සේ වසර ගණනාවක වැරදි පාලනය නිසා වැරදි කරුවන්ට දඬුවම් නොලැබීමෙන් ද, දූෂණයෙන් ද, නීතියේ ආධිපත්යය යටපත් කිරීමෙන් ද පසු මතුවූ දරුණු ආර්ථික අර්බුදයක් හේතුවෙන් බව එම වාර්තාව පෙන්වා දෙන්නේය.
බරපතල මානව අයිතීන් කඩකිරීම් සම්බන්ධයෙන් දීර්ඝ කාලයක සිටි චෝදනා ලද හිටපු ජනාධිපති ගෝඨාභය රාජපක්ෂ ජූලි මාසයේදී සිය ධුරයෙන් ඉවත් වූ නමුත් නව ජනාධිපති රනිල් වික්රමසිංහ සිදුකළේ බොහෝ දුරට සාමකාමී විරෝධතා මැඩපැවැත්වීමටත්, ක්රියාකාරීන් සිරගත කිරීමටත්, අතීත නිතිය කඩකිරීම් සම්බන්ධයෙන් යුක්තිය ඉල්ලා කළ ඉල්ලීම් නොසලකා හැරීමටත් බව එම වාර්තාවේ දැක්වේ.
හියුමන් රයිට්ස් වොච් හි දකුණු ආසියානු අධ්යක්ෂ මීනක්ෂි ගංගුලි පැවසුවේ මෙසේය.
“ප්රතිසංස්කරණ සහ වගවීම සඳහා වූ ඉල්ලීම්වලට ජනාධිපති රනිල් වික්රමසිංහ ප්රතිචාර දැක්වූයේ මර්දනයෙන්. ශ්රී ලංකාව සිය ආර්ථික අර්බුදය විසඳීමට උපකාර කිරීම සඳහා විදේශීය හවුල්කරුවන් එම රට වැසියන්ගේ මූලික මානව හිමිකම් ප්රතිසංස්කරණ සහ නීතියේ ආධිපත්යයට ගරු කිරීම සඳහා ශ්රී ලංකාව වෙත අවධාරනය කළ යුතුය.”
පිටු 712 කින් යුත් මෙම වාර්තාවෙන් හියුමන් රයිට්ස් වොච් රටවල් 100 කට ආසන්න සංඛ්යාවක මානව හිමිකම් භාවිතයන් සමාලෝචනය කරයි.
ජනාධිපති වික්රමසිංහගේ ආන්ඩුව, ශිෂ්ය ක්රියාකාරීන් අත්තනෝමතික ලෙස රඳවා තබා ගැනීම සඳහා කුප්රකට ත්රස්තවාදය වැලැක්වීමේ පනත (PTA) භාවිතා කර ඇති අයුරු පෙන්වා දෙන එම වාර්තාව ඔහු විසම්මුතිය මර්දනය කර ඇති බව පෙන්වා දෙයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
වසර ගණනාවක දේශීය හා ජාත්යන්තර පීඩනයෙන් පසුව මාර්තු මාසයේදී ත්රස්තවාදය වැළැක්වීමේ පනතට මතුපිටින් සංශෝධන සිදු කළද, නීතිය අවලංගු කිරීම රජය නැවත නැවතත් මග හරින බව ද එහි දැක්වේ.
