ජනාධිපති ගෝඨාභය රාජපක්ෂ ශ්රී ලංකා නිදහස් පක්ෂයෙන් විශේෂ ඉල්ලීම් දෙකක් ඉල්ලා ඇතැයි අභ්යන්තර ආරංචි මාර්ග කියයි.
ශ්රී ලංකා නිදහස් පක්ෂයේ සභාපති හිටපු ජනපති මෛත්රීපාල සිරිසේන ඇතුළු ශ්රී ලංකා නිදහස් පක්ෂ නියෝජිත පිරිසක් සහ ජනාධිපති ගෝඨාභය රාජපක්ෂ අතර ඊයේ (05) රාත්රියේ ජනාධිපති ලේකම් කාර්යාලයේ දී පැය හතරක් පුරා පැවති විශේෂ සාකච්ඡාවක දී ජනාධිපතිවරයා විසින් මෙම ඉල්ලීම් දෙක ඉදිරිපත් කර තිබේ.
මෙහිදී ශ්රී ලංකා නිදහස් පක්ෂය මේ රජය පත් වූ දා සිට මේ තත්වයට ඇද වැටීමතෙක් කාලය තුළ ජනාධිපතිවරයා විසින් සිදුකළ සියලුම වැරදි සහ අඩුපාඩු ඔවුන්ගේ පාර්ශවයෙන් ඉදිරිපත් කර ඇත.
සියල්ලම අසා සිටි ජනාධිපතිවරයා සිය පළමු ඉල්ලීම ලෙස ඉල්ලා ඇත්තේ ආණ්ඩුව පවත්වාගෙන යෑමට සහයෝගය දෙන ලෙසය. එහෙත් තමන් ස්වාධීනව කටයුතු කිරීමට තීරණය කර ඇති බැවින් එම තීන්දුව වෙනස් කළ නොහැකි බව ශ්රී.ල.නි.ප. ය ජනපතිට දන්වා ඇත.
අනතුරුව පාර්ලිමේන්තුවේ නියෝජ්ය කථානායක තනතුර සහ නියෝජ්ය කාරක සභා සභාපතිකම අත්නොහරින ලෙස ඉල්ලා ඇත. එහෙත් ඒ වනවිටත් එම තනතුරු දෙකෙන් ඉල්ලා අස්වීම ශ්රී ලංකා නිදහස් පක්ෂය විසින් ඉදිරිපත් කර තිබුණත් ඉල්ලා අස්වීමේ ලිපි මේ දක්වා පිළිගෙන නැත.
පාර්ලිමේන්තුවේ නියෝජ්ය කථානායක ලෙස රන්ජිත් සියඹලාපිටිය සහ නියෝජ්ය කාරක සභා සභාපති ලෙස අන්ගජන් රාමනාදන් කටයුතු කරයි.
ශ්රී ලංකා නිදහස් පක්ෂය ඒ අවස්ථාවේ දී ජනාධිපතිවරයාගේ එම ඉල්ලීමට නිශ්චිත ප්රතිචාර දක්වා නැත.
