ණය ප්රතිව්යුහගත කිරීම සම්බන්ධයෙන් චීනය සමඟ සාකච්ඡා කිරීමට ජපානය මැදිහත් වන බව පවසා ඇතැයි ජනාධිපති රනිල් වික්රමසිංහ මහතා පාර්ලිමේන්තුව අමතමින් ප්රකාශ කළේය.
පසුගිය කාලයේදී ජපානය සමඟ හොඳ හිත පළුදු වී තිබුණත් ණය ප්රතිව්යහුගත කිරීමේ වැඩසටහනේදී මැදිහත්කරුවෙකු ලෙස ප්රමුඛ කාර්යභාර්යක් ඉටු කරලීම සඳහා ජපානය එකඟවීම සුබ ලකුණක් බවත් ජපානය සමඟ පෙර පැවති ශක්තිමත් මිත්රත්වය යළි සම්පූර්ණයෙන්ම ඇති කර ගැනීමට වෙහෙස වී කටයුතු කරන බවත් ජනාධිපතිවරයා පැවසීය.
ණය ලබා දුන් රටවල් සමඟ පවත්වන සමුළුවේ සම සභාපති ධූරය ලබා ගැනීමට ජපානයෙන් ඉල්ලීමක් කිරීමට බලාපොරොත්තු වෙන බවත් ඔහු සඳහන් කළේය. වැඩිදුරටත් අදහස් ප්රකාශ කරමින් ජනාධිපතිවරයා පැවසුවේ චීන කොමියුනිස්ට් පක්ෂ සම්මේලනයෙන් පසු නැවතත් චීනය සමඟ සාකච්චා ආරම්භ කරන බවත් ඉන්දියාව සමඟ සාකච්ඡා පවත්වාගෙන යන බවත් පැවසුවේය.
“මෝදි අගමැතිවරයාගේ සහයෝගය අපිට හැමදාම ලැබුණා..අර්බුදකාරි කාල වකවානුවේදී ඉන්දියාව අපිට විශාල සහයෝගයක් ලබා දුන්නා.. ඒ ගැන මම ඔවුන් හැමදාම කෘතඥ වෙනවා.. ජපානයේදී, එංගලන්තයේදී හා පිලිපීනයේදී අපේ රටට වැදගත් වන රාජ්ය නායකයින්, ජාත්යන්තර සංවිධානවල නියෝජිතයින් මෙන්ම මුදල් ඇමතිවරු මුන ගැසීම හරහා අපේ රටට උපරිම ප්රයෝජන ලබා ගන්න මම වෙහෙසුණා. ආර්ථික සහන ලබාදීම සහ ණය ප්රතිව්යුහගත කිරීමේ කටයුත්තේදී මුදල් ඇමතිවරුන්ට විශාල බලපෑමක් කරන්න පුළුවන්.. අපි දැන් බලාපොරොත්තු වෙන්නේ ජපාන්ය. ඉන්දියාව හා චීනය ප්රධාන අපට ණය ආධාර ලබා දෙන රටවල් සමඟ හැකි ඉක්මණින් පොදු එකඟත්වයකට එළඹීමයි..”
