චීනයේ කුටුම්භයන් හී ණය බර සීඝ්රයෙන් ඉහළ යමින් පවතින බවත් රැකියා වෙළෙඳ පොලේ සහ රැකියා සුරක්ෂිත භාවායේ පවතින අවිනිශ්චිත බවත් එරට ආර්ථිකයේ වර්ධනය මන්දගාමී කිරීම හේතු වී ඇති බවට වාර්තා වේ.
පවතින මෙම තත්ත්වය හමුවේ පාර්භෝගිකයින් හට සත්ය වශයෙන්ම වැය කළහැකි මුදල් ප්රමාණය සම්බන්ධයෙන් මේවන විට යම් අවිනිශ්චිත තත්ත්වයක් නිර්මාණය වී ඇති බවටද විශේසඥයින් පේනවා දෙයි. ඒ අනුව පාරිභෝගිකයින්ගේ ක්රය ශක්තිය පහළ යාමට ඔවුන්ගේ ආදයම් වැඩිවිම මන්දගාමි වීමද විශාල ලෙස බලපා ඇත.
මෙම තත්ත්වය හේතුවෙන් චීන ජනතාව විසින් නිවාස ණය ගෙවීම්, දෛනික අත්යාවශ්ය සේවා සඳහා ගෙවීම් සඳහාත් ඔවුන්ගේම අවිනිශ්චිත අනාගතය සඳහා ඉතිරි කිරීමට වැඩි නැඹුරුවක් දක්වන බවටද පෙන්නුම් කරන බව විශ්ලේෂකයින් සඳහන් කරයි.
චීනයේ මූල්ය හා සංවර්ධනය සඳහා වූ ජාතික ආයතනය (NIFD) විසින් නිකුත් කරන ලද වාර්තාවකට අනුව, එරට කුටුම්භ ණය ප්රමාණය දෙවන කාර්තුවේදී ජාතික දළ දේශීය නිෂ්පාදිතයෙන් සියයට 63.5 දක්වා ඉහළ නැත තිබූ අතර එය පසුගිය වසර අවසානයේ දී සියයට 61.9 සිට ඉහළ ගොස් තිබේ.
ඒ අනුව මෙම තත්ත්වය මූල්ය අවදානම් පිළිබඳ අනතුරු ඇඟවීමේ එක් ලක්ෂ්යයක් ලෙස ජාත්යන්තර මූල්ය අරමුදල විසින් කලින් භාවිතා කරන ලද සියයට 65 රතු රේඛාවට සමීප වෙමින් පවතී.
චීනයේ කුටුම්භ ණය ප්රධාන වශයෙන්ම සකස් වී ඇත්තේ නිවාස ණයෙන් වන අතර එය ජූනි මස අවසන් වන විට යුවාන් ට්රිලියන 38.6 (ඇමරිකානු ඩොලර් ට්රිලියන 5.38) දක්වා ළඟා විය. පාරිභෝගික භාණ්ඩ ණය, ක්රෙඩිට් කාඩ් ණය, පුද්ගලික ණය ගැනීම් සහ ව්යාපාර මෙහෙයුම් සඳහා අරමුදල් භාවිතා කරන ණයද මීට අමතරව ඉහළ අගයක් ගෙන තිබේ.
