තායිවානයේ තායිපෙ නුවර හා බීජිං අතර ඇති ‘චිප් යුද්ධය’ වඩාත් නරක අතට හැරී ඇති අතර තායිවාන බලධාරීන් චීන අර්ධ පාලන ආයතන දහයක් වැටලීම් කළේ පරිපථ (චිප්) ඉංජිනේරුවන් හා වෙනත් තාක්ෂණික නිළධාරීන් නීතිවිරෝධී අයුරින් ආයතනවලට බඳවා ගැනීම හේතු කරගෙනය.
මාස තුනක කාලයක් ඇතුළත තායිවානය මෙවැනි වැටලීමක් ක්රියාත්මක කළ දෙවැනි අවස්ථාව මෙය වේ.
තයිපෙයි, හ්සින්චු හා තඕයුවාන් නගරවල චීන ආයතන දහයක් මේ වන විටත් වැටලීම් කර ඇති අතර 70කට වැඩි සංඛ්යාවකින් ප්රශ්න කිරීම් සිදු කරන බව දිවයිනේ විමර්ශන කාර්යාංශය සඳහන් කරයි.
චීනයේ අර්ධ පාලනයට යටත් වන කර්මාන්තශාලා රැසක පරිපථ හෙවත් චිප්ස් නිර්මාණය හා නිෂ්පාදනය සිදු කෙරෙනු ලබයි. මෙම චීන නිෂ්පාදන ආයතන සඳහා තායිවාන ජාතිකයින් වැඩි වැටුප් හා ප්රසාද දීමනා ලබා දෙමින් සම්බන්ධ කර ගනු ලබයි. විශේෂයෙන්ම තයිපෙයි හා හ්සින්චු ප්රදේශයන්ගේ මෙම තත්ත්වය වැඩි වශයෙන් දක්නට ලැබෙන අතර එය බුද්ධිමය දේපළ මංකොල්ල කෑමකි. ඔවුන් දක්ෂ හා අත්දැකීම් සහිත ඉංජිනේරුවන් වැඩි වාසි පෙන්වමින් සිය ආයතනවලට බඳවා ගනු ලබයි.
මේ හේතුවෙන් තායිවාන බලධාරීන් මෙම ආයතන වැටලීම් සිදු කරමින් ඔවුන් නීතිවීරෝධී අන්දමින් බඳවා ගැනීම් සිදු කර ඇත්දැයි සොයා බලයි.
