මාධ්යවේදී චමුදිත සමරවික්රම මහතාගේ පිළියන්දල පිහිටි නිවසට එල්ල වූ ප්රහාරයට පැමිණ මැරයින් හඳුනාගැනීම සඳහා සීසීටීවී දර්ශන පරීක්ෂාවට පොලිස් කණ්ඩායම් 9ක් යොදා ඇතැයි ජනමාධ්ය අමාත්ය ඩලස් අලහප්පෙරුම මහතා පවසයි.
එම කණ්ඩායම් සඳහා පොලිස් නිලධාරීන් 60ක් පමණ අනුයුක්ත කර ඇති බව ද හෙතෙම අද පැවති කැබිනට් තීරණ දැනුම් දීමේ මාධ්ය හමුවේදී කීය.
චමුදිත මහතාට මෙලෙස එල්ල වූ ප්රහාරය රජය හෙළා දකින බවත් අමාත්යවරයා රජය වෙනුවෙන් ප්රකාශ කර සිටියේය.
එමෙන්ම මෙහිදී මාධ්යවේදීන් නැගූ ප්රශ්නයකට පිළිතුරු දෙමින් අමාත්යවරයා කියාසිටියේ “මෙය පොලිස් රාජ්යයක් නොවන බවත් කැබිනට් තීරණ දැනුම් දීමේ මාධ්ය හමුවේදී මාධ්ය අසන ප්රශ්න වෙනුවෙන් පොලීසියට මාධ්යවේදීන් කැඳවා ප්රශ්න කිරීමට නොහැකි බවයි” ඒ වෙනුවෙන් තමා පෙනී සිටින බවත් හෙතෙම කීය.
වැඩිදුරටත් ඩලස් අලහප්පෙරුම අමාත්යවරයා එහිදී කියාසිටියේ මාධ්යවලට අද වනවිට අසීමිත බලයක් පවතින බවත් එය අසීමිත වගකීමක් බව ද කිසියම් හෝ කරුණක් සමාජගත කිරීමේදී සිහිතබා ගත යුතු බවය.
