ගෝල්ෆේස් ජන අරගලය දින 100 සම්පූර්ණ කළේය.
කෘෂි රසායනික ද්රව්ය තහනම නිසා ගොවි තැන අඩාල වීම, වැරදි ආර්ථික කළමනාකරණය හේතුවෙන් ඩොලර් සංචිත ක්ෂය වීම, ඒ හේතුවෙන් ඇතිවූ ඉන්ධන සහ ගෑස් හිඟය, වාර්තාගත ලෙස ජීවන වියදම ඉහළ යෑම ඇතුළු දැවැන්ත පීඩනය රටේ ජනාධිපතිවරයා වෙත එල්ල වූයේය.
මුළු රටේම ජනතාව තැනින් තැන උද්ඝෝෂණය කරමින් විරෝධතාව ප්රකට කළහ. එම උද්ඝෝෂණයේ සාමාකමී මුහුණුවර පුපුරා යන්නේ එවකට අගමැති මහින්ද රාජපක්ෂ ඉල්ලා අස්වීම භාර දුන් දිනයේ පොහොට්ටුවේ සාමාජිකයන් සිවු දෙසින් අරලියගහ මන්දිරයට රැස් කරවා ගෝල්ෆේස් සාමාකාමී අරගලයට පහර දීමෙන් පසුවය. ඒ මැයි 09 දාය.
අඛණ්ඩ දින 100 විරෝධාතවය තුළ දී රාජපක්ෂවරු බලයෙන් හැකිලී යෑම, ජනාධිපතිවරයා පසුගිය ජූලි 14 ධුරය හැර යෑම සිදුවිය.
එහෙත් පාර්ලිමේන්තුව තුළ පිටත ජනතා මතනය නිරූපණය වන ආකාරයේ පරිවර්ථනයක් සිදුනොවී ජාතික ලයිස්තු එක් පාර්ලිමේන්තු ආසනයක් සහිත රනිල් වික්රමසිංහ අග්රාමාත්යවරයා වී වැඩ බලන ජනපතිවීමෙන් පසු ජනාධිපති ධුරය දක්වා සය බලය තහවුරු කරගැනීමේ පසුබිමක අරගලය ඒ ආකාරයෙන්ම පැවැත්වෙමින් තිබේ.
යම් යම් අවස්ථාවල ප්රචණ්ඩත්වය සහිත සිදුවීම් ද ප්රකාශ විය. ජනාධිපති මන්දිරය, අග්රාමාත්ය ලේකම් කාර්යාලය, අරලියගහ මන්දිරය, ජනාධිපති ලේකම් කාර්යාලය අත්පත් කරගැනීමේ දී සිදුවී ඇති දේපල හානි සම්බන්ධව පොදු දේපල පනත සහ පුරාවිද්යා ආඥා පනත යටතේ සිද්ධිය සම්බන්ධ ක්රියාකාරීන්ට නඩු දැමීමට සූදානමක් ඇත.
කෙසේ වෙතත් මෙම ජනතා අරගලය සමස්ථයක් වශයෙන් ජාත්යාන්තරයේ ද අවධානයට සහ ප්රශංසාවට ලක් වී ඇත.
