පසුගිය සඳුදා හිටපු අගැමති මහින්ද රාජපක්ෂ මහතාට සහය පළ කිරීම සදහා පැමිණි පාක්ෂිකයන් ගාලු මුවදොර සාමකාමී උද්ඝෝෂකයන්ට පහර දීමෙන් පසුව ඇති වූ කලබලකාරී තත්ත්වය හමුවේ කෝප වූ පිරිස් එම පුද්ගලයන් පැමිණි බස් රථයක් විනාඩි කිහිපයක් තුළ සම්පූර්ණයෙන්ම කොටස් සියල්ල ගලවා රැගෙන යාමට කටයුතු කර ඇති බව වාර්තා වේ. මෙම සිදුවීම සිදුව ඇත්තේ පිට පළාතක සිට කොළඹට රාජපක්ෂ මහතාගේ ආධාරකරුවන් රැගෙන පැමිණි ආසන් 54 ලේලන්ඩ් වර්ගයේ බස් රථයක් මාලිගාවත්ත ප්රදේශයේදි කුපිත වූ පිරිසක් අතට පත් වීමෙන් පසුවය. මෙම බස් රථය මාලිගාවත්ත සහ මරදාන සම්බන්ධ කෙරෙන ජයන්ත වීරසේකර මාවතේදී ඔවුන්ගේ ග්රහණයට ලක්ව ඇත්තේ සඳුදා සවස් යාමයේය.
ඔවුන් බස් රථයට පිටත් විමට නොදී එහි කොටස් එකින් එක ගලවා ඇති අතර වීදුරු සහ රාමු. යකඩ, බට බස් රථයේ ආසන සියල්ල , තහඩු යකඩ ආදී සියලුම කොටස්වලට ගවා එකිනෙක මෙම පිරිස් විසින් රැගෙන ගොස් ඇති අතර අවසානයේ යකඩ කැබැලි කිහිපයක් හැරෙන්නට බස් රථයත් තිබුණු ලකුණක්වත් සොයා ගත නෙහැකි මට්ටමට එය ගලවා රැගෙන ගොස් ඇති බව මෙම ආරංචි මාර්ග සඳහන් කළේය.
එදින ඇතිවූ සිදුවීම් වලදී පිට පළාත්වලින් ජනතාව රැගෙන පැමිණි බස් රථ ගණනාවක් ප්රහාරවලට ලක්විය.
