පසුගිය දින දෙක තුළ නිවාස 136ක් සම්පූර්ණයෙන්ම ගිනි තබා විනාශ කළ බව ආරක්ෂ ලේකම් විශ්රාමික මේජර් ජනරාල් කමල් ගුණරත්න පවසයි.
සම්පූර්ණයෙන් ගිනි තබා විනාශ කළ වාහන ගණන 41ක් බවත් හානි කළ වාහන ගණන 61ක් බවත් ඔහු කීවේය. බේරේ වැවට දමා ඇති වාහන ගණන කොපමණ දැයි නොදන්නා බවත් පැවසුවේය.
ඔහු මේ බව ප්රකාශ කළේ අද පැවති මාධ්ය සාකච්ඡාවක දීය.
මේ දෙදින තුළ ජීවත හානි 09ක් තුවාල ලැබීම් 219ක් වාර්තා වූ අතර ජීවිත හානි වූ පුද්ගලයින් අරත පොලිස් නිලධාරීන් දෙදෙනෙක් සිටින බවත් කීවේය.
ආවේගයන් ප්රචන්ඩ කොල්ලකෑම් දක්වා වර්ධන වෙද්දී හමුදාව පොලිසිය සමග එක් වී සම්පූර්ණයෙන්ම තත්ත්වය පාලනය කළ බව කී ආරක්ෂක ලේකම්වරයා මිනිස් ජීවිත, දේපල ආරක්ෂා කරගැනීමටත් සාමය ස්ථාපිත කිරීමටත් කොල්ලකරුවන් සඳහා බලය පාවිච්චි කිරීමේ නියෝග නිකුත් කර ඇති බව කීවේය.
ආරක්ෂක ඇමතිවරයා ලෙස ජනාධිපතිවරයා ලබා දෙන උපදෙස් හා නියෝග මත තමන් ත්රිවිධ හමුදාවත් සමග ක්රියාත්මක වනබව ආරක්ෂක ලේකම්වරයා වැඩිදුරටත් කීවේය.
ගිනි තැබූූ නිවාස අතර මැති ඇමතිවරුන්ගේ නිවාස 53ක් වේ. හිටපු අමාත්යවරුන් වන චමල් රාජපක්ෂ, රෝහිත අබේගුණවර්ධන, අලි සබ්රි, වෛද්ය රමේෂ් පතිරණ, ජොන්ස්ටන් ප්රනාන්දු, ප්රසන්න රණතුංග, ආචාර්ය බන්දුල ගුණවර්ධන, කෙහෙලිය රඹුක්වැල්ල, ගාමිණී ලොකුගේ, විමල් වීරවංශ, බැසිල් රාජපක්ෂ, පවිත්රා වන්නිආරච්චි, කනක හේරත්, ෂෙහාන් සේමසිංහ, කාංචන විජේසේකර, විදුර වික්රමනායක, ජනක බණ්ඩාර තෙන්නකෝන්, ෂෙහාන් සේමසිංහ, අරුන්දික ප්රනාන්දු, එස් එම් චන්ද්රසේන, චන්න ජයසුමන, මොහාන් පී ද සිල්වා, හිටපු නියෝජ්ය කතානායක රංජිත් සියඹලාපිටිය, හිටපු රාජ්ය අමාත්යවරුන් වන ශෂීන්ද්ර රාජපක්ෂ, සනත් නිශාන්ත, ශාන්ත බණ්ඩාර, ගුණපාල රත්නසේකර, සිරිපාල ගම්ලත්, ඩී.බී හේරත්, නිමල් ලන්සා, දුමින්ද දිසානායක, ගීතා කුමාරසිංහ, ප්රසන්න රණවීර, අශෝක ප්රියන්ත, පාරලිමේන්තු මන්ත්රීවරුන් වන මිලාන් ජයතිලක, කෝකිලා ගුණවර්ධන, උද්දික ප්රේමරත්න, අලි සබ්රි රහීම්, සම්පත් අතුකෝරල, තිස්ස කුට්ටිආරච්චි, චන්දිම වීරක්කොඩි, නිපුණ රණවක, උපුල් මහේන්ද්ර රාජපක්ෂ, අකිල එල්ලාවල, සංජීව එදිරිමාන්න, සමන්ප්රිය හේරත්, රාජිකා වික්රමසිංහ, ඩබ්ලිව්.ඩි වීරසිංහ, අනුප පැස්කුවල්, සහන් ප්රදීප් ඇතුළු මැති ඇමතිවරුන්ගේ නිවෙස්වලට පහරදී ගිනි තබා විනාශ කර තිබිණි.
ඇතිවූ ගැටුම්කාරී තත්වය තුළ වෙඩි ප්රහාරයකින් මියගිය අමරකීර්ති අතුකෝරළ පාර්ලිමේන්තු මන්ත්රීවරයාගේ නිවසද ගිනි තබා විනාශ කර ඇත. හිටපු අග්රාමාත්ය මහින්ද රාජපක්ෂට අයත් කුරුණෑගල පිහිටි නිවසකට ද ගිනි තබා ඇත.
