-
වන්දි තක්සේරුව අනිද්දා සිට ආරම්භ කරයි… ගංවතුරෙන් හානි වූ කුඹුරු යළි අස්වද්දන්න ආණ්ඩුවෙන් විශේෂ වැඩපිළිවෙළක්…
අධික වර්ෂාවත් සමඟ ගොවිබිම් අක්කර තුන්ලක්ෂ අනූ දහසක් පමණ විනාශ වී ඇති කෘෂිකාර්මික හා ගොවිජන රක්ෂණ මණ්ඩලය පවසයි.
අම්පාර සහ මඩකලපුව දිස්ත්රික්කවලින් වැඩිම වගාබිම් ජලයෙන් යටවී ඇති බවත්, . සමස්තයක් ලෙස උතුරු සහ නැගෙනහිර පළාත්වල අති විශාල කෘෂිකාර්මික ඉඩම් ප්රමාණයක් ජලයෙන් යටවී ඇති බවත් එම මණ්ඩලය පෙන්වා දෙයි.
එම මණ්ඩලයේ සභාපති ප්රේමසිරි ජාසිංහ ආරච්චි පැවසුවේ, පොළොන්නරුව දිස්ත්රික්කයෙන් ආරම්භ වී ජලයෙන් යට වූ ගොවිබිම්වලට සිදු වූ හානි තක්සේරු කිරීම අනිද්දා ආරම්භ කරන බවයි.
කුඹුරු අක්කරයක් සඳහයා රුපියල් 40000ක වන්දියක් ලැබෙන බවත්, . ගංවතුරෙන් හානියට පත් වී, බඩ ඉරිඟු, අර්තාපල්, සෝයා බෝංචි, ළූණු, මිරිස් භෝග සඳහා ද වන්දි ගෙවීම් සිදුවන බවත් කෘෂි රක්ෂණ මණ්ඩලය කියයි. මේ වනවිට එම වන්දි ලබා දීමට රුපියල් බිලියන 1ක් රජයෙන් වෙන් කර තිබේ.
මේ අතර ගංවතුරෙන් හානියට පත් කුඹුරු යළි වගා කිරීමට විශේෂ වැඩපිළිවෙළක් ආරම්භ කර ඇති බව ගොවිජන සංවර්ධන කොමසාරිස් ජනරාල් රෝහණ රාජපක්ෂ පැවසීය. ඒ සඳහා සහය දැක්වීම සඳහා නිලධාරීන් යොදවා ඇති බව ඔහු සඳහන් කළේය.
කෘෂිකර්ම, පශු සම්පත් හා වාරිමාර්ග අමාත්යාංශයේ ලේකම් ඩී.පී. වික්රමසිංහ ප්රකාශ කළේ හානියට පත් කුඹුරු නැවත වගා කිරීම සඳහා බිත්තර වී ලබාදීමට රජය සැලසුම් කර ඇති බවය.
