මහනුවර බූවැලිකඩ සංඝමිත්තා මාවතේ පිහිටි ලෙව්කේ පවුලට අයත් පස් මහල් ගොඩනැගිල්ල ගිලා බැස ඇත්තේ අලුයම පහට පමණ බවත් ගිලා යන බව දැනගත් අවස්ථාවේ සුරතල් සතුන් වාහන ඇතුළු සියලු ගත හැකි දේ රැගෙන අලුයම4 පමණ වන විට ඔවුන් නිවසින් පිටව ගොස් ඇති බවත් ලංකාසරට වාර්තා වෙනවා.
ලෙව්කේලා සිදුවන විනාශය ගැන දැනුවත් නොකර ගිලා බසින නිවසින් පිටවී ගොස් පැයකට පමණ පසු නිවස ඊට පහළින් වූ හෝටලයක් මතට කඩා වැටී එම හෝටලයේ මිහිකරු, ඔහුගේ බිරිය හා ඔවුන්ගේ නව මස් ළදරුවා මිය ගියා. එය නුවර ප්රිය ජනක කුඩා හෝටලයක් . මේ යුවල හෝටලය පවත්වාගෙන යන අතරතුර එහි කාමර දෙකක පදිංචිව ඉඳ තිබෙනවා. එක් කාමරයක ඔවුන් දෙදෙනා දරුවාත් සමග. අනෙක් කාමරයේ බිරියගේ මව සහ හෝටලයේ වැඩ කරන කාන්තාවක්
ලෙව්කේ මැදුරේ සුන්බුන් වලට යටව මියගොස් ඇත්තේ චමිල ප්රසාද් (35), අචලා ඒකනායක (32) හා ඔවුන්ගේ නවමස් ළදරුවා. අමිල හෝටලය පවත්වාගෙන ගිය අතර ඔහුගේ බිරිය අචලා ඒකනායක නීතීඥවරියක් ලෙස කටයුතු කළා. ඒ වගේම ඇය විවෘත විශ්ව විද්යාලයේ කථිකාචාර්යවරියක් ද උනා.
ගිලා බැසීම
අලුයම 4.15ට පමණ සම්පූර්ණ ගොඩනැගිල්ලම ගිලා බැස තිබුණා. පස් මහල් මන්දිරයේ ප්රවේශය හැර සම්පූර්ණ ගොඩනැගිල්ලම කඩා වැටී පහළ වූ හෝටලය මත ඇද වැටි ඇති අයුරු දුටුවා.
මෙම ගොඩනැගිල්ල ඉදි කර තිබුණේ අධික බෑවුම් සහිත ස්ථානයක. කඩා වැටීමේ දී එම සුන්බුන් පහළින් වූ නිවාස දෙකක් මත ඇද වැටුණා. මහනුවර ජ්යෙෂ්ඨ පොලිස් අධිකාරී සුදත් මාසිංහ කීවේ මියගොස් ඇත්තේ ඒ නිවාස දෙකෙන් එකක අය බවයි.
අචලාගේ මව කියන කතාව
අචලාගෙ අම්මා ජයන්ති ඒකනායක. ඇයට වයස අවුරුදු 69යි. ඇය ඉකි ගසමින් හඬා වැටුණා.
මේක සංචාරක හෝටලයක් විදිහට පවත්වගෙන ගියා. අපි නිවසේ කාමර දෙකක පදිංචි වෙලා හිටියා. මමත් හෝටලයෙ වැඩට ඉන්න දුවත් එක් කාමරයක හිටියා. දුවයි පුතයි පොඩි දරුවයි හිටියෙ එක කාමරයක.
උදේ පහට විතර පොළව දෙදරගෙන ලොකු සද්දයක් ආවා.මොනවත් පෙනුනේ නැහැ. අපේ කාමරේ බිත්ති කඩාගෙන ඇඳ ළඟටම හේත්තු වෙලා තිබුණේ. හතර වටේ මොකුත්ම පෙනුනේ නැහැ. ඇඳ ළඟ තිබුණ ෆෝන් එක අතට අහුවුණා. ඒකෙන් 119 අංකයට ඇමැතුමක් අරන් ගේ කඩාගෙන වැටුනා කියලා කිව්වා. වෙලාව පහට විතර ඇති. ඊට ටික වේලාවකට පස්සේ පොලීසිය එතන්ට ආවා. ලණුවකින් කට්ටියක් අපි හිටපු තැනට බැහැලා ඒ ලණුවල ගැටගහලා අපිව උඩට ගත්තා. පුතයි දුවයි දරුවයි හිටපු කාමරේ සම්පූර්ණයෙන්ම යටවෙලා.
මහනුවර ජ්යෙෂ්ඨ පොලිස් අධිකාරීවරයා පැවසුවේ ගිලා බැසීමට ලක්වූ පස් මහල් ගොඩනැගිල්ලේ හිමිකරු ඔහුගේ පවුලේ උදවිය සමඟ අවට කිසිවකුට හෝ අනතුරු ඇඟවීමක් නොකර පිටව ගොස් තිබෙන බවයි.
අනුර ලෙව්කේ කියන කතාව
මේ නිවස හිමි අනුර ලෙව්කේ (58)ට. මේ අයගෙ මුල් පරම්පරාව මාවනැල්ලෙ ලෙව්කෙ වලව්ව. බිරිය ගීතානි ලෙව්කෙ(54). ඔවුන් සිය දියණිය හා පුතා සමග මෙම නිවසේ පදිංචි වෙලා සිටියා. දෙදෙනාම තවම පාසල් යනවා. අනුර ලෙව්කේ සිද්ධිය ගැන මෙහෙම කියනවා.
“ පුතාගෙ යාලුවො ටිකක් ආවා. ඔවුන් එනකම් පාන්දර 1 පමණ වනතුරු අපි ඇහැරිලා හිටියෙ. පාන්දර තුනට විතර පිපිරුම් වගේ සද්දයක් ආවා. එහා ගෙදර කෙනා ඇවිත් ටෝච් ගහනවා තේරුණා. ඔහු කිව්වා පහළ කොන්ක්රීට් එක පුපුරලා කෑලි හැලෙනවා වගේ කියලා.
ඒ එක්කම පුතා වාහනේ එළියට ගත්තා. බල්ලො දෙන්නා එලියට ගත්තා. මට තේරුණා ගේ දෙදරනවා වගේ කියලා. ෂර්ට් එකක් දාගන්න හදනකොටම ගෙයි පොළොව ඇල උනා. අපි ඔක්කොම ගෙයින් එළියට පැන්නා. එතකොටම ගේ කඩාගෙන ගියා.“
අනුර ලෙව්කේ කියන්නෙ එවැනි කතාවක්. එහෙත් මේ කිසිවෙක් අනතුරු සිදුවන බව දැනගෙන සෑහෙන වෙලාවක් යනතුරු අනතුරට ගොදුරුවන පිරිසට ඒ ගැන දන්වා නැති බව අසල් වාසීන් කියනවා. ඒ ඔවුන්ගේ පන්තියේ ස්වරූපය. ලෙව්කේ ගෙදරට විනාශය ගැන දන්වපු වංසක්කාර යාබද නිවැසියා අනතුර ගැන අනතුරට ලක් වීමේ අවදානම සහිත පුද්ගලයන්ව දැනුවත් කළේ නෑ කියන චෝදනාව එන්නෙ අසල්වැසියන්ගෙන්..
මේ මිනිස්සු තමන් ගේ පන්තිය ගැන පමණක් කල්පනා නොකර සිදුවෙමින් ඇති අනතුර මිනිස්සුන්ට දැන්නුවා නම් මේ තරුණ යුවලත් කිරිකැටියාත් තවමත් ජිවතුන් අතර.
අප ජිවත්වෙන සමාජය ගැන ලෙව්කේලාගේ පන්තිය ආයෙත් අපට කියලා දීලා තිබුණා.
