මෙවර පළාත් පාලන මැතිවරණයේ දී කොළඹ සහ අම්පාර පළාත් පාලන ආයතන කීපයකට හැර අනෙක් සියලුම ආයතන සඳහා නිදහස් ජනතා සන්ධානයෙන් ඉවත් වී අත ලකුණුන් තරග කිරීමට ඊයේ රැස්වුන ශ්රී ලංකා නිදහස් පක්ෂයේ දේශපාලන මණ්ඩලය තීරණය කර තිබේ.
දේශපාලන මණ්ඩලයේ බහුතරය නිදහස් ජනතා සන්ධානයෙන් ශ්රී ලංකා නිදහස් පක්ෂය ඉවත් විය යුතු බවට වූ දැඩි ස්ථාවරයක සිටීම හේතුවෙන් මෙම තීන්දුව ගෙන ඇති බව වාර්තා වේ.
සන්ධානයේ නායකත්වය පිළිබඳ බලය අරගලයත්, ශ්රී ලංකා නිදහස් පක්ෂයට මැතිවරණය සඳහා සාධාරණ අපේක්ෂක ප්රමාණකට අවස්ථාව නොලැබීමත් නිසා වඩාත් සුදුසු වන්නේ හැකි උපරිම අවස්ථාව ලබා ගනිමින් පළාත් පාලන ආයතන සඳහා ශ්රී ලංකා නිදහස් පක්ෂය ලෙස තරග කිරීම බව දේශපාලන මණ්ඩලයේ බහුතර මතය වී ඇත.
මේ පිළිබඳව ශ්රී ලංකා නිදහස් පක්ෂයේ ජ්යේෂ්ඨ උප සභාපති මහාචාර්ය රෝහණ ලක්ෂ්මන් පියදාසගෙන් ලංකාසර කළ විමසුමක දී ඔහු ප්රකාශ කළේ කොළඹ සහ අම්පාර පළාත් පාලන ආයතන කීපයක් හැරුණුකොට අනෙක් සියලුම පළාත් පාලන ආයතනවලට අත ලකුණ යටතේ ශ්රීලනිප තරග කරන්නට ඊයේ ශ්රී ලංකා නිහස් පක්ෂ දේශපාලන මණ්ඩලය තීරණය කළ බවය.
මේ බව සන්ධානයේ අනෙක් පක්ෂවලට අද නිල වශයෙන් දැනුම් දෙන්න තීරණය කළ බව ද ඔහු වැඩිදුරටත් ප්රකාශ කළේය.
හෙළිකොප්ටර ලකුණ යටතේ සන්ධානගත වුන නිදහස් ජනතා සන්ධානයෙන් ඉවත් වීමට ශ්රී ලංකා නිදහස් පක්ෂය තීරණය කර ඇතිදැයි විමසූවිට ජ්යෙෂ්ඨ උප සභාපතිවරයා ප්රකාශ කළේ ඒ සම්බන්ධව නිශ්චිත තීරණයක් ඉදිරියේ දී ගනු ඇති බවය.
මෙවැනි පසුබිමක් මත ශ්රී ලංකා නිදහස් පක්ෂය එක්සත් ජනතා සන්ධානය තුළ රඳවා ගැනීමේ තේරුමක් නැති බවට සන්ධානගත වූ අනෙක් පක්ෂවල මතය වී ඇති බව දැනගන්නට තිබේ. ශ්
