ගෑස් සිලින්ඩරය ලකුණ යටතේ රනිල් වික්රමසිංහගේ නායකත්වයෙන් තරග වැදුන නව ප්රජාතන්ත්රවාදී පෙරමුණේ ජාතික ලයිස්තු මන්ත්රී ධූර දෙක සඳහා සන්ධානයේ පක්ෂ එකතු වී අද දිනයේ සාකච්ඡා කිරීමට නියමිතව තිබිය දී එම පක්ෂයේ ජාතික ලයිස්තු අපේක්ෂක රවී කරුණායක පක්ෂයේ ලේකම්වරිය වූ ශ්යාමිලා පෙරේරා සමග රහසේ සාකච්ඡා කර තම නම ජාතික ලයිස්තු මන්ත්රී ධූරයට නම්කරවා මැතිවරණ කොමිෂන් සභාව වෙත ලිඛිතව දන්වා තිබීම හේතුවෙන් පක්ෂ අභ්යන්තරයේ දැඩි අර්බුදයක් ඇති වී තිබේ.
හිටපු අගමැති දිනේෂ් ගුණවර්ධන ද සිලින්ඩරයේ ජාතික ලයිස්තු මන්ත්රී ධූරයක් සඳහා අපේක්ෂාවෙන් සිටි අතර ඔහුගේ නම තිබුණේ ජාතික ලයිස්තු කණ්ඩායමේ අංක එකටය. දිනේෂ් ගුණවර්ධනගේ ජාතික ලයිස්තු මන්ත්රී ධූරය සම්බන්ධව පක්ෂයේ කිසිම දෙගිඩියාවක් තිබී නැත. ඉතිරි වී තිබුණේ එක් මන්ත්රී ධූරයක් පමණි.
මෙම මන්ත්රී ධූරය සඳහා සිය අපේක්ෂාව රවී කරුණානායක විසින් ප්රකාශ කර ඇති අතර නව ප්රජාතන්ත්රවාදී පෙරමුණේ පක්ෂ නායකයින් ඊට එකඟත්වයක් පල කර නැත.
එවැනි වටපිටාවක රවී කරුණානායක විසින් පක්ෂ ලේකම් ෂර්මිලා පෙරේරා සමග රහසේ සාකච්ඡා කර සිය නම ලේකම්වරිය ලවා මැතිවරණ කොමිසමේ සභාපතිවරයා වෙත යොමු කර තිබේ.
මේ සදාචාර විරෝධී ක්රියාව සඳහා විනය පරීක්ෂණයක් කරන ලෙස පෙරමුණේ පක්ෂ නායකයින් නව ප්රජාතන්ත්රවාදී පෙරමුණේ නායක රනිල් වික්රමසිංහගෙන් ඉල්ලා ඇතැයි වාර්තා වේ.
