ලෝක වෙළෙඳපොළේ ගෑස් මිල ඉහළ ගියද ලිට්රෝ ගෘහස්ථ ගෑස් සිලින්ඩරයක මිල ඉහළ නොදමන බව ලිට්රෝ ගෑස් සමාගමේ සභාපති මුදිත පීරිස් මහතා අද (4) පැවසීය. ලිට්රෝ ගෑස් සමාගමේ සභාපති මුදිත පීරිස් කොළඹ 2 පිහිටි ලිට්රෝ ගෑස් සමාගමේ මූලස්ථානයේදී පැවැති මාධ්ය හමුවේදී එසේ පැවසීය.
ගෑස් මිල සූත්රයට අනුව රුපියල් 470 ක පමණ මිල ඉහළ යෑමත් මේ අවස්ථාවේ කළ යුතු වුවද මිලියන හයක් පමණ වන ලිට්රෝ පාරිභෝගික ජනතාවට සහනක් දෙමින් ගෘහස්ථ ගෑස් මිල ඉහළ නොදමන බව ඔහු කීවේය.
මෙම වසරේ අඩුම ගෑස් මිල ලෙස පසුගිය මස ඩොලර් 380 ක් වැනි පහළ අගයකට පත්වූ බව නිරීක්ෂණය කිරීමෙන් පසුව ගෑස් මෙට්රික්ටොන් 8,000 කට අධික ප්රමාණක් ඇනවුම් කර පසුගිය මස ද රුපියල් 204 ක සහනයක් දුන් බව කී ඒ මහතා මේ වන විට ඩොලර් 85 කට වැඩි අගයකින් මිල වැඩි වුවද ගෑස් සමාගමකට වැඩි සමාජ වගකීමක් ලෙස සළකා මිල වෙනස් නොකිරීමට තීරණය කළ බව ද කියා සිටියේය.
ලිට්රෝ ආයතනය ක්තිමත්ව තබාගෙන මීට සති දෙකකට පෙර භාණ්ඩාරයට කෝටි 150 ක් ලාභාංශ ගෙවීමට හැකි වූ බවත් ඔහු කීවේය.
කිලෝග්රෑම් 12.5ක සිලින්ඩරයක මිල රුපියල් 2982 ක ද, කිලෝග්රෑම් 5 ක සිලින්ඩරයක මිල රුපියල් 1198 ක ද, කිලෝග්රෑම් 2.3 ක සිලින්ඩරයක මිල රුපියල් 561 ක ද, තව දුරටත් පවතින බව ද මුදිත පීරිස් මහතා වැඩිදුරටත් සඳහන් කළේය.
