කීර්ති ප්රනාන්දු –
ගම්පහ රෝහලේ දී මිය ගිය බෙම්මුල්ලේ බුලත්ගංගොඩ දැරියගේ මරණයට හේතුව පහරදීමක් බව අද (12) සවස පැවති පශ්චාත් මරණ පරීක්ෂණයේ දී හෙළි වූයේය.
දැනට හෙළි වී ඇති විමර්ශන අනුව තහවුරු වී ඇත්තේ ඇයට එම මාරක ප්රහාරය එල්ල කර ඇත්තේ ඇයව අඹුකමට තබාගෙන සිටි පුද්ගලයා බවය.
අද ගම්පහ රෝහලේ දී පශ්චාත් මරණ පරීක්ෂණය පැවැත්වූ ගම්හප අධිකරණ වෛද්ය නිලධාරී ජේ.එම්.සී.බී. ගුණතිලක සිය නිගමනය ඉදිරිපත් කරමින් කීවේ දැඩි පහරකෑමට ලක් වී දැරියගේ මොළය සහ පෙනහළුවලට හානි සිදුවීම මේ මරණයට හේතුව බවය. .
මහේස්ත්රාත් පරීක්ෂණය ගම්පහ වැඩ බලන මහේස්ත්රාත් ප්රසන්න රණවකගේ මූලිකත්වයෙන් සිදුකෙරිනි.
වැඩිදුර විමර්ශනය කර විමර්ශන වාර්තාවක් අධිකරණයට ඉදිරිපත් කරන ලෙස මහේස්ත්රාත්වරයා නියෝග කළේය.
පශ්චාත් මරණ පරීක්ෂණයෙන් අනතුරුව දේහය ඥාතීන්ට භාර දුන් අතර දේහය භූමිදාන කරන්නට නියොග කෙරිනි.
දැරිය අඹුකමට තියාගෙන සිටි මනෝජ් ප්රියංකර නැමැති සැකකරු අධිකරණයට ඉදිරිපත් කිරීමෙන් පසු ලබන 26 වැනිදා දක්වා රක්ෂිත බන්ධනාගාරග කෙරිනි.
