කීර්ති ප්රනාන්දු –
මාසික පරිහරණ දීමනාව ලෙස වට්ටම් මුදලින් සියයට 35ක් අය කරගැනීම සඳහා ඛනිජතෙල් නීතිගත සංස්ථාව විසින් ප්රකාශිත තීරණයට එරෙහිව අභියාචනාධිකරණය විසින් අතුරු තහනම් නියෝගයක් නිකුත් කර තිබේ.
එම සියයට 35ක පරිහරණ ගාස්තුව ඊයේ දිනයේ දී බෙදුම්කරුවන් විසින් ඉන්ධන සඳහා තැන්පත් කරන මුදලින් අයකරගැනීමට ඛණිජ තෙල් නීතිගත සංස්ථාව තීරණය කර තිබිණි.
මෙම තීරණයට එරෙහිව ඊයේ දිනයේ මුදල් තැන්පත් කිරිමෙන් වැලකුණු ඉන්ධන බෙදුම්කරුවන් එම තීරණයට එරෙහිව අභියාචනාධිකරණයේ පෙත්සමක් ගොනු කළේය.
එම පෙත්සම අභියාචනාධිකරණ විනිසුරු ටී.එන්. සමරකෝන විසින් අද සලකා බැලුණු අවස්ථාවේ දී පෙත්සම විභාග වි නිම වනතුරු මාසික පරිහරණ ගාස්තුව වශයෙන් සියයට 35ක් අය කරගැනීම අත්හිටුවීමට අධිකරණය නියෝග කළේය.
ඛනිජ තෙල් බෙදුම්කරුවන්ගේ සංගමය විසින් මෙම පෙත්සම ලංකා ඛනිජ තෙල් නිතිගත සංස්ථාවට එරෙහිව ගොනු කර තිබිණි.
