ලලිත් චාමින්ද
නීති විරෝධි ලෙස මෙරටට ආනයනය කරන ලද හෝ මෙරට එකලස් කරනු ලැබූ වාහන වංචනිකව මෝටර් රථ දෙපාර්තමේන්තුව තුළ ලියාපදිංචි කිරීම හේතුවෙන් ශ්රි ලංකා රේගුව විසින් අයකරගත යුතුව තිබූ රුපියල් දොළොස්කෝටි,විසිදෙලක්ෂ, අසුදෙදහස් නමසියයක (122,282,900) බදු ආදායමක් වංචනිකව අවභාවිතාකොට ඇති බැව් ජාතික විගණන කාර්යාලය පවසයි.
මෙලෙස ප්රතිඅපනයනය කිරිමේදී ලියාපදිංචිය අවලංගු කරනු ලැබූ විදේශීය රාජ්ය තාන්ත්රික වාහන 06ක් සඳහා සාවද්ය ලෙස වෙනත් සුඛෝපභෝගි වාහනවල චැසි අංක හා එන්ජින් අංක ඇතුළත් කර වෙනත් පුද්ගලයකුගේ නමට ලියාපදිංචි සහතික නිකුත් කිරීමට මෝටර් රථ ප්රවාහන දෙපාර්තමේන්තුවේ නිලධාරින් කටයුතු කර තිබූ බවද විගණන වාර්තාවේ සඳහන් වේ.
රේගුවේ දත්ත පද්ධතියට අනුව වංචනිකව ලියාපදිංචි කොට ඇති මෙකී සුඛෝපභෝගි වාහන සඳහා රේගු සටහන්කරයක් නිකුත් වී නොතිබුණි. මේ නිසා මෙම සුඛෝපභෝගි වාහන නීති විරෝධි ලෙස ආනයනය කොට ඇති අතර රේගු පනත ප්රකාරව ගෙවිය යුතු ආනයන තීරුබදු කිසිවක් ගෙවා නොමැති බවද විගණනය මගින් අනාවරණය කොට තිබුණි.
