ලලිත් චාමින්ද –
රාජ්ය ඖෂධ නිෂ්පාදන සංස්ථාව විසින් ඉකුත් වර්ෂයේ දී (2021) රුපියල් එක්කෝටි දශලක්ෂ හැට අට දහස් හයසිය පනහක් (11,068,650) වියදමක් දරා පැරසිටමෝල් DC 90 නැමති අමුද්රව්ය කිලෝග්රැම් 6000ක් මිලදී ගෙන තිබු අතර එකී අමුද්රව්යවල සාම්පල් ටෙන්ඩර් ඇගයිමට ප්රථම පරීක්ෂාකර ගුණත්වය තහවුරුකර ගැනීමට කටයුතුකර නොතිබු බව ජාතික විගණන කාර්යාලය පවසයි.
ඒ වෙනුවට සැපයුම්කරු විසින් ඉදිරිපත් කර තිබු විශ්ලේෂණ වාර්තා මත පමණක් පදනම්ව සංස්ථාවේ තත්වපාලන අංශය විසින් ඖෂධ නිෂ්පාදනය සදහා එකී අමුද්රව්ය නිදහස්කොට තිබු බවද විගණනය මගින් අනාවරණය කොට ඇත.
මෙකි අමුද්රව්ය සැපයුම්කරුවන් තිදෙනෙකුගෙන් මිලදි ගෙන තිබුණි. ප්රසම්පාදන කමිටුව විසින් සැපයුම් කරුවන්ගේ ටෙන්ඩර් සාම්පල් සංස්ථාවේ රසායනාගාරය මගින් අනුමත කළ යුතු බවට නිර්දේශකර තිබුනද එකී සාම්පල් පරික්ෂාකොට නොතිබුණි.
මෙම සැපයුම්කරුවන් තිදෙනාම අදාල අමුද්රව්ය සැපයීම සම්බන්ධයෙන් පෙර සැපයුම්කරුවන් නොවු අතර ඔවුන් තිදෙනාම ජාතික ඖෂධ නියාමන අධිකාරියේ ලියාපදිංචි වී නොතිබුණු බවද විගණන වාර්තාවේ සදහන් වේ.
එමෙන්ම සංස්ථාවේ වට්ටෝරු සංවර්ධන හා නිෂ්පාදන දේපාර්තමේන්තුව විසින් සිදුකර තිබු යන්ත්ර පෙරහුරු පරික්ෂාවේ දි සමත්විය යුතු අවශ්යතාවයන් සම්බන්ධයෙන් සැපයුම්කරුවන් දෙදෙනෙකු විසින් සපයා තිබු අමුද් රව්ය අසමත් වි තිබු බවද විගණන වාර්තාවේ සඳහන් වේ. එක් සැපයුම්කරුවකුගේ යන්ත්ර පෙරහුරු පරික්ෂණ වාර්තා විගණනය සඳහා ඉදිරිපත්කොට නොතිබුණි.
කෙසේවුවද මේ පිළිබද ඖෂධ නිෂ්පාදන සංස්ථාවේ කළමණාකාරිත්වය විසින් විගණනයට සඳහන්කොට ඇත්තේ කොවිඩි වසංගතය හමුවේ පැරසිටමෝල් ඖෂධයේ අධික අවශ්යතාවයද සැලකිල්ලට ගෙන අමුද්රව්යවල තත්වය සියයට සියයකින් තහවුරුකර ගැනීමෙන් අනතුරුව තත්වපාලන අංශය විසින් ඖෂධ නිෂ්පාදනය සඳහා අමුද්රව්ය නිදහස් කළබවය.
ඖෂධවල ගුණත්වය පිළිබද විගණන වාර්තාවේ දක්වා ඇති ආර්ථනිරුපනය නිවැරදි නොවන බව ද කළමණාකාරිත්ව විසින් සඳහන් කොට ඇත.
ඖෂධයක ගුණත්වය යනු එකි ඖෂධය රෝගියකු අතට පත්වන අවස්ථාවේ ඖෂධයක තිබිය යුතු ප්රමිතය වන බව කළමණාකාරිත්වය විසින් සඳහන්කොට ඇත.
යන්ත්ර පරික්ෂාවේ දි මතුවන ගැටළු නිෂ්පාදන ක්රියාවලියේ දි මතුවන අවහිරතාවයන් බවද කළමණාකාරිත්ව විසින් විගණනයට සඳහන්කොට ඇත.
රාජ්ය ඖෂධ නිෂ්පාදන සංස්ථාව සම්බන්දයෙන් 2021 වර්ෂයට අදාලව මෙම විගණන වාර්තාව නිකුත්කොට තිබුණි.
