පැමිණ ප්රකාශ නිකුත් කිරීම නොව ඒ සම්බන්ධව අපරාධ පරික්ෂණ දෙපාර්තමේන්තුවට පැවසීම බව විපක්ෂ නායක සජිත් ප්රේමදාස අද ( 19) පාර්ලිමේන්තවේ දී කීවේය.
ඔහු ප්රකාශ කළේ ජනතාව රවට්ටා උත්තර නැති වනවිට මෙවැනි කයිවාරු නවත්වා හැකිනම් කුඩුකාර ජනමාධ්යකරුවන්ට එරෙහිව නීතිය ක්රියාත්මක කරන ලෙස විපක්ෂ නායකවරයා අභියෝග කළේය,
ඔහු මෙම ප්රකාශ කරනු ලබන්නේ ඊයේ ජනාධිපතිවරයා පාර්ලිමේන්තුවේ දී ඊයේ ( 19) සිදුකළ විශේෂ ප්රකාශය අතරතුර මත් කුඩු හා සම්බන්ධ මාධ්ය ජාලය බුද්ධි අංශ විසින් ඉක්මනින් හෙළිදරවු කරනු ඇතැයි කී කරුණ උපුටා දක්වමිනි.
ජනාධිපතිවරයා සිය කතාව අතර මෙසේ කීවේය.
“ලෝකයේ මත්ද්රව්ය බෙදා හැරීමේ විශාල ජාලයක් නිර්මාණය වුණා. මොවුන් මත්ද්රව්ය ජාලයට ඇතුළු වුණා. දේශපාලන බලය සහිතව මේ පිරිස් මත්ද්රව්යවලට ඇතුළු වෙනවා. මත්ද්රව්යවලින් විශාල ලෙස මුදල් උත්පාදනය වෙන්න පටන් ගත්තා. මේ මුදල් උත්පාදනය විසින් ඔවුන්ට රාජ්ය යාන්ත්රණය මිලදී ගන්න හැකි වුණා. මුදල් විසින් සමාජ ගෞරවය ලැබෙන්න පටන් ගත්තා. ගමේ කරන ලොකු උත්සවයක් තියෙනවා නම් එහි ප්රධානියා බවට පත්වෙනවා අර නීතිවිරෝධී ලෙස ධනය උපයා ගත් පුද්ගලයා. එවිට වෙනදා තිබුණ සමාජ කොන් කිරීම වෙනුවට සමාජ රැකවරණයත් ලැබෙනවා. සමාජය විසින් ප්රතික්ෂේප කළ පුද්ගලයා ධනය විසින් වෙන බලයක් නිර්මාණය කළා. ඔවුන්ගේ සමහර වැඩ කර ගැනීමට. ඒ ධනය හරහා රාජ්ය යාන්ත්රණයට ඇතුළු වුණා. ”
“පොලීසියේ නිලධාරීන්ට පගා ගෙවන්න පටන් ගත්තා. ආර්. එම්. වී එකට, ඉමිග්රේෂන්, කස්ටම් පගා දෙන්න පටන් ගත්තා. රාජ්ය යාන්ත්රණයත් ඊට ඒකාබද්ධ වුණා. මොවුන් මුදල් ආයෝජනය කරන්න පටන් ගත්තා. ඒ අනුව මුදල් මත ගොඩනැගුණ ව්යාපාරික ජාලයකුත් හැදුණා. ”
“සමහර ව්යාපාරිකයන් මාධ්යවලට මුදල් යොදවන්නත් පටන් ගත්තා.
මෙය හුදු චණ්ඩියාගේ සිට ජාලයක් දක්වා වර්ධනය වී තිබෙනවා. දේශපාලන අධිකාරිය, කුඩු ව්යාපාරිකයා, සන්නද්ධ අපරාධකරුවා, දූෂිත රාජ්ය නිලධාරීන් සහ මාධ්ය ජාලය. ”
“බුද්ධි අංශ විසින් ඉක්මනින්ම මාධ්ය ජාලය සමඟ තිබෙන සම්බන්ධය අපට හෙළිදරවු වෙයි. ”
ජනාධිපතිවරයාගේ මෙම කතාව උපුටා දක්වමින් විපක්ෂ නායක සජිත් ප්රේමදාස අද පාර්ලිමේන්තුවේ දී කීවේ ජනමාධ්ය හිමිකරුවන් මත්කුඩු ව්යාපාරයට සම්බන්ධ නම් ජනාධිපතිවරයා කළ යුත්තේ එය පාර්ලිමේන්තුවට පැමිණ ප්රකාශ කිරීම නොව අදාල පුද්ගලයින් අත් අඩංගුවට ගැනීම බවය. .
ජනතාව බලාපොරොත්තුවන්නේ උත්තර බවත් උත්තර දෙන්න බැරි විට බොරු පොරොන්දු දී රවට්ටා ජනතාව ඇන්දවීමෙන් පසු වැඩ වරදින විට මෙතන පැමිණ කයිවාරු ගසා වැඩක් නැති බවය.
දැන් කරලා පෙන්වන්නකො… විපක්ෂ නායකවරයා කීවේය.
