විදුලි බලාගාරවලට කෙළින්ම විදේශ සමාගම්වලින් ඉන්ධන ගෙන ඒමට තෙල් සංස්ථාව (සිපෙට්කො) ඉඩ ලබා දුන්නත් එම ක්රියාවලිය හදිසියේ ක්රියාත්මක කළ නොහැකි දීර්ඝ කාලීන වැඩපිළිවෙළක අවසන් ඵලය බව ලංකා විදුලිබල මණ්ඩලයේ උප සභාපති නලින්ද ඉලංගකොන් පවසයි.
සති අන්ත පුවත්පතකට ප්රකාශයක් කරමින් ඔහු පෙන්වා දී ඇත්තේ අවසර ලබා දුන් පමණින් කඩිමුඩියේ ඉන්ධන ආනයනය කිරීමට නොහැකි බවත් ඒ පිළිබඳව මූලික අධ්යයනයක් ආරම්භ කර ඇති බවත්ය.
පවතින තීව්ර ආර්ථික අර්බුදය හමුවේ ඉන්ධන මිලදී ගැනීමට ගියත් දීර්ඝ කාලීන ණය පදනමක් මත එය සිදු කිරීමට වන බවද ඒ ඔහු පෙන්වා දී ඇත.
ලංකා ඛණිජ තෙල් සංස්ථාව ස්ථාපිත කළ 1961 අංක 28 දරන පනතට අනුව විදුලිබල මණ්ඩලයට ඉන්ධන ගෙනඒමේ බලපත්ර ලබාදිය නොහැකි මුත් අවශ්ය නම් කැබිනට් මණ්ඩල අනුමැතිය යටතේ එලෙස අවසර දිය හැකි බවත්, එකී යෝජනාව පිළිබඳ තාමත් සිදු වන්නේ මූලික සැලසුම් සකස් කිරීම පමණක් බවත් ඔහු පෙන්වා දී තිබේ.
ලබන ජූලි මාසය වනවිට නොරොච්චෝල ගල්අඟුරු බලාගාරයට අවශ්ය ගල් අඟුරු සංචිතත් අවසන් වන බව ගල් අඟුරු සපයන සැපයුම්කරුවන්ද මෙරටට ගල් අඟුරු ගෙනඒම ප්රතික්ෂේප කරන තැනට පත්ව සිටින බවත් විදුලිබල මණ්ඩල ආරංචි මාර්ග කියයි.
