හරිත් ගුණවර්ධන නොකල්හි නික්ම ගොස්ය. ඒ 55 විය ඉක්ම යන්නට මත්තෙනි.
මාධ්යවේදියෙක් ලෙස ක්ෂේත්රයට පිවිස පසුකලෙක ප්රවීන දැන්වීම් ශිල්පියෙක් ලෙස නිර්මාණාත්කම කාර්යයක යෙදුණු හරිත් සැලසිනේ ආයතනයේ සභාපතිවරයා ලෙස කටයුතු කරමින් සිටියේය.
ඔහු අද උදෑසන කාර්යාලයට එමින් සිටිය දී ඇතිවූ හදිසි රොගී තත්ත්වයකින් පසුව එම ස්ථානයේම මියගොස් ඇති බව වාර්තා වේ. හරිත් ආදි ආනන්දීයකි. කොළඹ විශ්වවිද්යාලයේ ආදි විද්යාර්ථයෙකි.
දැන්වීම් කලාවට ප්රවේශවීමට පෙර ඔහු මේ රට දැනගෙන හිටියේ මාධ්යවේදියෙක් මෙන්ම අපුරු තීරු ලිපි රචකයෙක් ලෙසිනි. දිවයින පුවත්පත වෙනුවෙන් ඔහු ලියූ කිං බානට් තිරු ලිපිය කලෙක මේ රටේ පාඨකයාගේ සිතෙහි තැබූ කදිම ලකුණකි. ඇටමැස්සා තීරු ලිපිය ද ඔහුගේය.
දේශපාල ප්රහසනය නිර්මාණාත්මකව රූපාවාහිනී තිරයට රැගෙන එමින් ඔහු ඉදිරිපත් කළ “ඕල්වේස් බ්රේක් ඩවුන්” වැඩසටහන එකල මහත් ප්රසාදයට ලක් වූයේය.
ඔහුගේ අකල් වියෝව ක්ෂේත්රයේ බොහෝ දෙනෙක් කම්පනය කර ඇත. හරිත් ගේ දේහය පිළිබඳ අවසන් කටයුතු පසුව දැනුම් දෙනු ලැබේ.
