කැන්ගරුවෝ ගොඩබසිති….

කීර්ති ප්‍රනාන්දු –

ක්‍රීඩකයන්  21 දෙනෙකුගෙන් සමන්විත   ඕස්ට්‍රේලියානු ක්‍රිකට් කණ්ඩායම  ඊයේ (1)  සවස ගුවන් යානා තුනකින්  කටුනායක බණ්ඩාරනායක ජාත්‍යන්තර ගුවන් තොටුපළ වෙත  පැමිණියහ.

කණ්ඩායමේ  මුල් පිරිස  ඊයේ ( 01)  සවස 05.03 ට සිංගප්පූරුවේ සිට ශ්‍රී ලන්කන් ගුවන් සේවයේ යූ.එල්.- 303 දරන ගුවන් යානයෙනුත්,  දෙවන කොටස  ඊයේ සවස 05.30 ට ශ්‍රී ලන්කන් ගුවන් සේවයේ යූ.එල්.- 128 දරන ගුවන් යානයෙන් ඉන්දියාවේ චෙන්නායි සිටත්,    තුන් වන ගුවන් යානය ඊයේ    රාත්‍රී 10.25 ට ඕස්ට්‍රේලියාවේ මෙල්බර්න් නුවර සිට ශ්‍රී ලන්කන් ගුවන් සේවයේ යූ.එල්.- 605 දරන ගුවන් යානයෙන් මෙල්බර්න් සිටත්   කටුනායක ගුවන් තොටුපළ වෙත පැමිණයහ.

ඕස්ට්‍රේලියානු කණ්ඩායමේ පැමිණීම වෙනුවෙන් කටුනායක ගුවන් තොටුපළ තුළ සහ ඒ අවට ප්‍රදේශයේ ආරක්ෂාව දැඩි ලෙස තර කොට තිබුණි .

ඕස්ට්‍රේලියානු ක්‍රිකට් කණ්ඩායම ශ්‍රී ලංකාව තුළ මාස එකහමාරක  කාලයක්  රැදී සිටිමින් ටෙස්ට් තරග 02 ක් , එක් දින සීමිත ඕවර් තරග 03 ක් සහ විස්සයි  20 ක්‍රිකට් තරග 03ක් සදහා සහභාගී වීමට නියමිතය .

තරගාවලි සංචාරය නිමා කර 07/12 දින ඔවුන් යළි   ඕස්ට්‍රේලියාව බලා පිටත්ව යාමට නියමිතය .