පොලිස් මත්ද්රව්ය නාශක කාර්යාංශය අත්අඩංගුවේ දී මිය ගිය වෘත්තීය පුහුණු අධිකාරියේ කළමනාකරණ සහකාර සමන්ත ප්රීතිකුමාර ගේ මරණය සම්බන්ධ චෝදනා එල්ල වූ මත්ද්රව්ය නාශක කාර්යාංශයේ නිලධාරීන් නිලධාරීන් 07 දෙනා යළි ජූලි 07 වැනිදා දක්වා රක්ෂිත බන්ධනාගාරගත කිරීමට අද මාලිගාකන්ද මහේස්ත්රාත් අධිකරණය විසින් නියෝග කළේය.
අද (23) එම නඩුව මාළිගාකන්ද මහේස්ත්රාත් අධිකරණයේ දී කැඳවූ අවස්ථාවේ දී අපරාධ පරීක්ෂණ දෙපාර්තමේන්තු නිලධාරීන් ප්රකාශ කළේ මේ වනවිට විමර්ශනයේ කටයුතු සියට 90ක් නිමා කර ඇති බවය.
පසුගිය ජනවාරි 10 වැනිදා නාරාහේන්පි ප්රදේශයේ දී මෙම වෘත්තීය පුහුණු අධිකාරියේ කළමණාකාර සහකාරවරයෙක් පොලිස් මත්ද්රව්ය නාශක කාර්යාංශයේ නිලධාරීන් විසින් අත්අඩංගුවට ගනු ලැබුවේ ඔහු සතුව හෙරොයින් ග්රෑම් 15ක් ඇති බවට වූ චෝදනාවක් මතය.
මිය ගිය තරුණයාගේ ඥාතීන් විසින් සිදුකළ පැමිණිල්ලකින් අනතුරුව අපරාධ පරීක්ෂණ දෙපාර්තමේන්තුව සිද්ධිය සම්බන්ධව විමර්ශනයක් ආරම්භ කර තිබිනි.
මෙම නඩුව මාලිගාකන්ද අධිකරණයට කරුණු ගොනු කළ අවස්ථාවේ අධිකරණය නියෝග කළේ සිද්ධිය සම්බන්ධ මත්ද්රව්ය නාශක කාර්යාංශයේ නිලධාරීන් 07ක් අත්අඩංගුවට ගෙන අධිකරණයට ඉදිරිපත් කරන ලෙසය. අනතුරුව එම නිලධාරින් රක්ෂිත බන්ධනාගාරගත කෙරුණි.
මේ නඩුව අද යළිත් කැදවූ අවස්ථාවේ දී සංවිධානාත්මක අපරාධ සහ මනුෂ්ය ඝාතන විමර්ශන අංශයේ ප්රධානී සහකාර පොලිස් අධිකාරී මෙරිල් රන්ජන් ළමාහේවා පැවසුවේ සිද්ධිය පිළිබඳ විමර්ශන කටයුතු සියයට 90ක් මේ වනවිට නිමා වී ඇති බවය.
ඔහු අධිකරණය හමුවේ වැඩිදුරටත් කියා සිටියේ සිද්ධිය සිදුවූ දිනයේ අදාළ නිලධාරින්ගේ ජංගම දුරකථන වාර්තා පරීක්ෂා කළ අතර එහිදී ඔවුන් මෙම සිද්ධියට සම්බන්ධ යැයි අනාවරණය වූ බවය.
අදාළ කළමනාකාර සහකාරවරයා අත්අඩංගුවට ගෙන පහර දී ඝාතනය කිරීම දක්වා සිදුවීම් මාලාව සඳහා පැය 4ක්තු විනාඩි 25ක් ගතවී ඇති බව සාක්ෂි වලින් තහවුරු වී ඇතැයි ද සහකාර පොලිස් අධිකාරීවරයා අධිකරණයට කීවේය.
එමෙන්ම සැකකරුවන් අදාල සිදුවීම සිදුවු ස්ථානය වෙනස් කිරීම සඳහා උත්සාහ රක ඇති බව ද අනාවරණය වී ඇත.
සැකකරුවන්ගේ ඩීඑන්ඒ වාර්තා ද මේ වනවිට අපරාධ පරීක්ෂණ දෙපාර්තමේන්තුව වෙත ලැබෙමින් තිබෙන බවද විමර්ශන අංශ අධිකරණය වෙත දැන්වූයේය.
ඒ අනුව නීතිපතිවරයාට සැකකරුවන් පිළිබඳව අධිචෝදනාපත්ර භාර දී ඔවුන්ට එරෙහිව මහාධිකරණයේ නඩු පැවරිය හැකි බවත්, මෙරිල් රංජන් ළමාහේවා අධිකරණය ඉදිරියේ කරුණු දක්වමින් පැවසුවේය.
අදාල සැකරුවන් ලබන 07 වැනිදා දක්වා බන්ධනාගාරගත කිරීමට අධිකරණය නියෝග කළේය.
