වැඩිවශයෙන් භාවිතාතා කරන ඖෂධ කීපයක මිල පාලනයක් ඇති කිරීමට ජනාධිපතිවරයා හා මහා භාණ්ඩාගාරය සිය කැමැත්ත පළ කර තිබියදී සෞඛ්ය ඇමතිවරයා ප්රමුඛ නිලධාරීන්ගේ යහපත් ප්රතිචාරයන් ලැබී නොමැති බව රජයේ වෛද්ය නිලධාරීන්ගේ සංගමය සඳඳහන් කරයි.
පසුගිය සැප්තැම්බර් 3වන දින මේ සම්බන්ධයෙන් ජනාධිපතිවරයා සමග පැවති සාකච්ඡාවේදී ඖෂධ මිල පාලනය සදහා කමිටුවක් පත්කර කඩිනමින් පියවර ගන්නා ලෙස සෞඛ්ය ඇමතිවරයාට ජනාධිපතිවරයා උපදෙස් දුන් නමුත් මාසයක් ගත ව ඇති නමුත් මේ සම්බන්ධයෙන් කිසිදු ක්රියාමාර්ගයක් ගෙන නොමැති බව සංගමයේ මාධ්ය ප්රකාශක වෛද්ය චමිල් විජේසිංහ සඳඳහන් කරයි.
මේ වන විට ඖෂධ මිල රුපියල් 100 සිට 300 දක්වා විශාල වශයෙන් ඉහළ යාම හේතුවෙන් රෝගීන් මහත් අසරණතත්වයකට පත්ව ඇති බවත් ඔවුන් ඖෂධ ලබා ගන්නා වාර ගණන අඩුකර ඇති බවත් පෙන්වාදෙන වෛද්ය විජේසිංහ මෙම තත්ත්වය ඉතා භයානක බවත් සෞඛ්යයට මෙය දරාගැනීමට නොහැකිවන සේ රෝගීන්ගේ සංඛ්යාවද ඉහළ යාහැකි බවත් පවසයි..
