ඩොලර් 200ක් සාක්කුවේ තබාගෙන ඕස්ට්රේලියාවට පැමිණි ශ්රී ලාංකික සංක්රමණිකයෙකුගේ දියණියක් මේ වනවට ඔස්ට්රේලියාවේ ඉහළම වැටුප් ලබන ප්රධාන විධායක නිලධාරිනිය ලෙස සතියකට ඩොලර් 315,000ක් උපයන බව ඩේලි මේල් වාර්තා කරයි.
ඇය Macquarie ව්යාපාර සමූහයේ සමූහ ප්රධාන විධායක නිලධාරී ෂෙමාරා වික්රමනායකය. ෂෙමාරා වර්ෂ 2021 දී සිය වැටුප ලෙස ඩොලර් මිලියන 16.39 ක් උපයා ඇති බව බැංකුව සිය නවතම වාර්තාවෙන් නිවේදනය කළේය.
ෂෙමාරා වික්රමනායක විසින් වසරේ අවසන් මාස තුන තුළ ඩොලර් බිලියන 1.3 ක ලාභයක් සඳහා රටේ ‘කෝටිපති කර්මාන්ත ශාලාව’ ලෙස නම් කරන ලද සිය ආයතනය වූ Macquarie මෙහෙයවීමට සමත් වී සිටියාය.
වර්ෂ 2019 දී, 60 හැවිරිදිව සිටි ඇය ඕස්ට්රේලියාවේ ඉහළම ආදායම් ලබන ප්රධාන විධායක නිලධාරිනිය බවට පත් වූ පළමු කාන්තාව වූවාය.
ඇය 1970 දශකයේ සිය පවුල සමඟ ඔස්ට්රේලියාවට එන විට ඇයගේ වයස වයස අවුරුදු 14 කි. සිඩ්නි හි වසරකට ඩොලර් 34,000 ක ගාස්තුවක් අය කරන ප්රභූ පාසලක් වූ Ascham පාසලට ඇයව අතුළත් කිරීමට දෙමව්පියෝ කටයුතු කළහ. අධ්යාපනයේ ඉහළ සහජයක් සහිතව සිටි ඇය නීතිඥවරියක සහ බැංකුකරුවෙකු ලෙස ඉක්මනින් ඉහළට පැමිණියාය.
ඇයගේ පියා රංජි 2018 දී Australian Financial Review සඟරාව වෙත පවසා තිබුණේ සිය පවුල ශ්රී ලංකාවේ හැදී වැඩුණු වරප්රසාද සහිත ජීවිතයක් භුක්ති විඳීමේ භාග්ය ලද පවුලක් වුව ද වර්ෂ 1975 දී ඕස්ට්රේලියාවේ පදිංචි වීමට පෙර දුෂ්කර කාලවලට මුහුණ දුන් බවයි.
වික්රමනායකලා පැමිණියේ ලංකාවේ වරප්රසාද සහිත බලවත්, උගත් පවුල් පසුබිමක් සහිත පරම්පාරවක දිගු පෙළකිනි.
රංජි 1958 දී ලංකවේ වෛද්ය විද්යාලයෙන් උපාධිය ලද වෛද්යවරයෙකි. ඔහු එම වසරේම වැඩිදුර පුහුණුව සඳහා ඔහුගේ බිරිය අමරා සමඟ ලන්ඩනයට ගියේය.
තරුණ යුවළ එංගලන්තයේ පදිංචි වී නව දිවිය ආරම්භ කළහ. ඔවුන්ට 1960 දී රොෂානා සහ ඊළඟ වසරේ ෂෙමාරා යනුවෙන් දියණියන් දෙදෙනෙක් ලැබෙන්නේය.
ෂෙමාරාගේ මාමා පැවසුවේ මුළු පවුලම කලක් ‘ඉතා වරප්රසාද සහිත ජීවිතයක් ගත කළ බවය.
“ අපට කිසිම දෙයකින් අඩුවක් තිබුණෙ නෑ’ නමුත් ඔවුන් එංගලන්තයට පැමිණි විට ඔවුන්ගේ ජීවිතවලට බෙහෝ සීමාකාරී සාධක පැමිණ තිබිණි.
වර්ෂ 1970 -76 පාලනයේ ප්රතිසංස්කරණ මේ පවුලට බොහෝ සේ බලපෑවේය. ඒ වකවානුවෙදි අපිට හැමදේම නැතිවුණා. අපට ආයෙත් ජීවිතය පටන් ගන්න සිද්ධ වුනා.“ රංජි කියා තිබුණේ එසේය.
වර්ෂ 1975 දී රංජි සිය පවුලේ අනාගතය සැලසුම් කරමින් රට හැර යෑමට තින්දු කරන්නේය. ඔවුන් ඔස්ට්රේලියාවට පදිංචිය සඳහා සංක්රමණය වන්නේය. වෛද්යවරයෙක් වූ රංජිට සිඩ්නිහි රාජකීය ඇල්ෆ්රඩ් ප්රින්ස් රෝහලේ අර්ධකාලීන රැකියාවක් ලැබෙන්නේය.
ඔවුන් ඔස්ට්රේලියාවට පැමිණෙන විට සන්තකව තිබුණේ ඩොලර් දෙසීයක මුදලකි. “සිඩ්නිවලදි අපි අපේ හැම දෙයක්ම යළිත් ආම්භ කළා.“ රංජි පැවසුවේය.
පවුල මාස හයකට නිවසක් කුලියට ගත්හ. ඒ රෝස් බේ හි වරාය උපනගරයේ ඔවුන්ගේ පළමු නිවස මිලදී ගැනීමට මුදල් සෙවීමට පෙරය.
අනතුරුව සිඩ්නි වරායට ඉහළින් පිහිටි Vaucluse හි තවත් නිවසක් මිලදී ගැනීමට ඔවුන්ට හැකි විය.
ෂෙමාරාගේ වැඩිමහල් සොහොයුරිය රොෂානා NSW නීතිඥ සංගමයේ ජ්යෙෂ්ඨ ප්රතිපත්ති නීතීඥවරියක් බවට පත් වූ අතර ඇගේ බාල සොහොයුරා ශල්ය වෛද්යවරයකු ලෙස බෝරල්හි දකුණු හයිලන්ඩ්ස් පෞද්ගලික රෝහලේ සේවය කරයි.
ඇගේ පවුල ඕස්ට්රේලියාවට පැමිණ අඩසියවසකට ආසන්න කාලයකට පසු, ෂෙමාරා ඕස්ට්රේලියාවේ ඉහළම වැටුප් ලබන ප්රධාන විධායක නිලධාරියා ලෙස නිල වශයෙන් නම් කරන ඇත. එම අභිධානය ලබාගත් පළමු කාන්තා විධායකවරිය ලෙස ඇය ඉතිහාසයට එක්වන්නීය.
වර්ෂ 2019 දී ඇයගේ වාර්ෂික වැටුප ඩොලර් මිලියන 18 කි. ඒ ඇයට දෙවෙනි වූ ආයතනික නිලධාරියාට වඩා ඩොලර් මිලියන 5 ක වැඩි වැටුපකි.
ඇය මුල්වරට රැකියාවට බැඳෙන්නේ වර්ෂ 1987 දීය. මීට පෙර ආයතනය වෙනුවෙන් ලොව පුරා නගර නවයක ඇය සේවය කළාය.
(ඩේලි මේල්)
