ක්ෂුද්ර ජීවීන් අඩංගු වීම හේතුවෙන් ප්රතික්ෂේප වූ චීන කාබනික පොහොර තොගය ගෙන්වීම සඳහා විවෘත කළ ණයවර ලිපියට අනුව ඇමෙරිකානු ඩොලර් මිලියන 9ක් අනිවාර්යයෙන්ම ගෙවීමට මහජන බැංකුවට සිදුවන බව මහජන බැංකුවේ ප්රධාන විධායක නිලධාරී සහ සාමාන්යාධිකාරී රන්ජිත් කොඩිතුවක්කු මහතා පවසයි. මේ තත්ත්වය මහජන බැංකුවටද අභියෝගාත්මක තත්ත්වයක් විය හැකි වත් සාමාන්යාධිකාරීවරයා සඳහන් කරයි.
මාධ්යව්දී චමුදිත සමරවික්රමගේ ටෘත් විත් චමුදිත යූ ටියුබ් නාලිකාවට සම්මුඛ සාකච්ඡාවක් ලබා දෙමින් ඔහු තවදුරටත් සඳහන් කළේ මහජන බැංකුව අසාදුලේඛනගත වීමට හේතුව අධිකරණ වාරණ නියෝගයක් මත ඇති වූ තත්ත්වයක් බවත් එය ජාත්යන්තර ගනුදෙනුවක් සම්බන්ධ ප්රශ්නයක් වුවද වෙනත් ගනුදෙනු සම්බන්ධයෙන් නිසැකවම මෙය සුරක්ෂිත බවත් සාමාන්යාධිකාරී කොඩිතුවක්කු මහතා පැවසීය.
පොහොර තොගයේ ආනයනකරුවා වන කොමර්ෂල් පොහොර සමාගම විසින් ලබා දෙන ලද කොන්දේසිවලට අනුව මෙම ණයවර ලිපිය විවෘත කිරීමට මහජන බැංකුව කටයුතු කර ඇති බවත් මෙහිදී ආනයනකරු විසින් යොදන ලද කොන්දේසි සම්බන්ධයෙන් යම් යම් අඩුපාඩු සිදුවන්නට හෝ නොදැනුවත් බව නිසා සිදුවන්නට ඇති බවත් ඔහු පෙන්වා දෙයි. කෙසේ වුවද විවෘත කළ ණයවර ලිපිය මත බැංකුව චීන සමාගමට අදාළ මුදල ගෙවීමට බැඳී සිටින බවත් දැනට සිදුව ඇත්තේ අධිකරණ ක්රියාවලිය අනුව අපට ලද වාරණ නියෝගයට අනුව කටයුතු කිරීම පමණක් බවද සඳහන් කළ සාමාන්යාධිකාරීවරයා අධිකරණ වාරණය ඉවත් කළහොත් අපට මෙම මුදල ගෙවන්නට හැකියාවක් ලැබෙන බවද පෙන්වා දුන්නේය.
“ අපි වගකිව යුතු බැංකුවක් ලෙස රටේ අධිකරණ ක්රියාවලියට ගරු කළ යුතුයි. මේ බව අප චීන තානාපති කාර්යාලටත් දැනුම් දී තිබෙනවා. බැංකු අසාධුලේඛන ගත කිරීම සම්බන්ධයෙන් මහජන බැංකුවට වගකීමක් නැති බව අප පෙන්වා දුන්නා. එය තනිකරම අධිකරණ ක්රියවලියක්. ඊට පාර්ශ්වකරුවන් වන්නේ මෙම පොහොර තොගය ගෙන්වූ කොමර්ෂල් පොහොර සමාගම ඇතුළු පාර්ශ්වකරුවන්. මේ වනවිට බැංකුවට මේ අසාදුගත කිරීමේ තත්ත්වය නිවැරදි කර ගන්න මහ බැංකුවේ අධිපතිතුමා ඇතුළු කවුරුත් වෙහෙස වී කටයුතු කරනවා.”
සාමාන්යයෙන් ඕනම බැංකුවක් ණයවර ලිපියක් විවෘත කරන්නේ එයින් ගෙන්වන භාණ්ඩ දෙස බලා නෙවෙයි. ලියකියවිලි මතයි. භාණ්ඩ සම්බන්ධ කොන්දේසි ආනයනකරු සහ අපනයනකරු අතර එකඟතාවෙන් සකස් කළ යුතුයි. එහි වගකීමක් බැංකුවට නැහැ. මෙහිදී අදාළ කොන්දේසිවල යම් අඩුපාඩු තිබෙනවා වෙන්න පුළුවන්. ඒ ඇතැම් විට නොදැනුවත් බව නිසා වෙන්න පත් පුළුවන්. කොහොම වුණත් අධිකරණය මෙය අදාළ කොන්දෙසි මත ගෙවිය යුතුයි කියල නිගමනය කළොත් හෝ වාරණ නියෝගය ඉවත් කළොත් අපට අනිවාර්යයෙන්ම ඩොලර් මිලියන 9ක් ගෙවන්න වෙනවා.“ යයිද පැවසීය.
කෙසේ වුවද ජාත්යන්තර ගනුදෙනුවලදී මෙවැනි අත්දැකීම්වලට බොහෝ බැංකු මුහුණ දෙන බවත් අධිකරණ ක්රියාවලියක් හේතුවෙන් බැංකුවේ ශ්රේණිගත කිරීම්වලට බලපෑමක් සිදු නොවන බවත් මෙම ගනුදෙනුව හේතුවෙන් මහජන බැංකුවේ ස්ථායීතාවයට කිසිදු බලපෑමක් සිදු නොවන බවත් සාමාන්යාධිකාරීවරයා අවධාරණය කළේය.
