කීර්ති ප්රනාන්දු –
විවෘත වෙළඳපලෙන් පෙට්රල් මෙට්රික් ටොන් 40000ක් මිල දී ගැනීම සඳහා කළ ඇනවුමකට අනුව අද රටට එන බව කී චැම්පියන් පුලා (Champion Pula) නෞකාව ඉන්දියාවේ ක්රිෂ්ණාපට්ටනම් වරාය හරහා පිටවී ගියේ ගිවිසුම් ප්රකාරව ජත්යාන්තර බැංකුවක් මගින් ගෙවීම් තහවුරු කරගැනීමට නොහැකි වූ නිසා බව වාර්තා වේ.
එම නෞකාව යළි නොඑන බවත්, යළිත් නෞකාවක් එන්නේ ලබන 27 වැනිදා බවත් ඛණිජ තෙල් නීතිගත සංස්ථාවේ අභ්යන්තර ආරංචි මාර්ග පවසයි. නිශ්චිතව ඉන්ධන නෞකාවක් ඇනවුම් කිරීමට නොහැකිවීම නිසා විවෘත වෙළෙඳපලෙන් කරන මේ මිල දී ගැනීම් වලදී ගෙවීම් තහවුරු කරගත නොහැකි වුවහොත් යළි ඒ නැවත් හැරී යනු ඇතැයි ද එම ආරංචි මාර්ග කියයි.
මේ පිළිබඳව ලංකාසරට අදහස් දක්වමින් ඛණිජතෙල් පොදු සේවක සංගමයේ සභාති ආචාර්ය ආශෝක රන්වල පැවසුවේ අප ඉන්නා දැවැන්ත අර්බුදය ඉන්ධන, ආහාර ආදී වශයෙන් හුදකලාකර සාකච්ඡා කිරීමේ තේරුමක් නැති බවය.
“ මෙතන තියෙන්නෙ නැව් සම්බන්ධව ප්රශ්නයක් නෙමෙයි. අපට මුදල් නැති කම. මුදල් බැඳපු විගසම දින දෙකක් ඇතුළත ඉන්ධන නෞකාවක් ගෙන්වා ගත හැකියි. ඒ සඳහා අපේ බැංකු පිළිගන්නෙ නෑ ඔවුන්. ජාත්යාන්තර බැංකුවක් හරහා ගනුදෙනු සිදුවිය යුතුයි. “
“මේ වනවිට රටේ පෙට්රල් සංචිත නෑ. ඩීසල් යම් ප්රමාණයක් තියනවා. සපුගස්කන්ද පිරිපහදුව හරහා පිරිපහදු කරගත් ඉන්ධන ප්රමාණයක් තමයි පසුගිය දිනවල බෙදා හැරුණෙ. මේ වනවිට බොර තෙල් නෑ. අද හෝ හෙට නැවත සපුගස්කන්ද වැසේවි.“
“ මේ තියන ප්රශ්නය විසඳා ගන්න මේ ආකාරයෙන් ඉන්ධන ගෙන්වා බැහැ. ඩොලර් මිලියන 500ක් පමණවත් අවශ්යයයි. එම මුදල ආයෝජනයෙන් දින පහක් තුළ ඉන්ධන නැව් දහයක් පමණ ගෙන්වා ගත යුතුයි. අනතුරුව ක්රමිකව පුරුදු රටාවට අනුගත විය හැකියි. ඒත් කෝ මුදල්.“ ඔහු කීවේය.
