ජනතා අරගලය හේතුවෙන් අගමැතිවරයා සහ මුදල් ඇමතිවරයා ඉවත් වූ අවස්ථාවේ තමන්ට අගමැතිකම දීමෙන් ආණ්ඩුවේ අය සැලසුම් කළේ තමන් අගමැති ධුරයට පත් වූ පසුව විශ්වාස භංගයක් ගෙනවිත් තම දේශපාලන ජීවිතය මුළුමනින්ම විනාශ කිරීමට බවත් ඒ බව තේරුම් නොගැනීමට තරම් අපරිණත පුද්ගලයකු නොවන බවත් විපක්ෂ නායක සජිත් ප්රේමදාස මහතා අද පැවසීය.
තිස්සමහාරාම බෙරළිහෙළදී පැවති ජන හුවකදී අදහස් දක්වමින් මේ බව අනාවරණය කළ විපක්ෂ නායක සජිත් ප්රේමදාස මහතා එදා ඔවුන්ට අවශ්ය වූයේ ඔවුන්ගේ සිතැගි ඉටුකරන පුද්ගලයෙකු ජනාධිපති ධුරයට පත් කිරීම බවද පැවසීය. මේ බව තේරුම් නොගැනීමට තරම් තමන් දේශපාලනයේ අපරිනිත අයෙකු නොවන බව ප්රකාශ කළ විපක්ෂ නායකතුමා, එවැනි ලොසිංජරවලට තමන් නොරැවටෙන බව ද පැවසීය.
ආණ්ඩුවට වැඩක් කරන්නට නොහැකි බව ප්රත්යක්ෂ කොට ඇති බවත් එවන් ආණ්ඩුවෙන් තමන් ඉල්ලා සිටින්නේ එක ම එක දෙයක් බවත්,ඒ අන් කිසිවක් නොව මැතිවරණයක් බවත් විපක්ෂ නායකවරයා තවදුරටත් පැවසීය.
