ලලිත් චාමින්ද –
එක්සත් ජාතික පක්ෂයේ නායක හිටපු ජනාධිපති රනිල් වික්රමසිංහ තවදුරටත් එජාපයේ නායකයා ලෙස කටයුතු කළ යුතු බවට වු යෝජනාවක් ඊයේ (28) පැවති ගාල්ල ආසනයේ එජාප ක්රියාකාරින්ගේ විශේෂ හමුවකදි එකමතිකව සම්මත කරගෙන ඇත.
මෙම විශේෂ හමුව එජාපයේ සභාපති හිටපු ඇමති වජිර අබේවර්ධනගේ ප්රධානත්වයෙන් ගාල්ල උළුවිටිකේ පිහිටි එජාප ප්රධාන කාර්යාලයේ දි පැවැත්විණි.
මෙම යෝජනාව ගාල්ල මහනගර සභාවේ හිටපු නියෝජ්ය නගරාධිපති පවුසල් නියාස් විසින් ඉදිරිපත් කළ අතර ගාල්ල මහනගර සභාවේ හිටපු විපක්ෂනායක ජිලිත් නිශාන්ත විසින් ස්ථිර කරණු ලැබිය.
සියලු දේශපාලන පක්ෂ එකතුකරගෙන ගමනක් යාමට හැකි එකම නායකයා හිටපු ජනාධිපති රනිල් වික්රමසිංහ බවත් එම නිසා ඔහු තවදුරටත් එජාපයේ නායකයා ලෙස කටයුතු කළයුතුව ඇති බවත් ගාල්ල මහනගර සභාවේ හිටපු නියෝජ්ය නගරාධිපති පවුසල් නියාස් කීවේය.
වෙනත් පක්ෂවලට අවශ්යවන ආකාරයට එජාපයේ නායකත්වය වෙනස් කිරිමට ඉඩදිය නොහැකි බවද පවුසල් නියාස් සදහන් කළේය
හිටපු ඇමති මනුෂ නානායක්කාර ඇතුළු එජාප ක්රියාකාරින් පිරිසක් මේ සදහා එක්ව සිටියහ.
