ශ්රියානි විජේසිංහ –
දෛනිකව සෑම නිවසකටම යන තැපැල් පියුම් මාමා අත පාර්ලිමේන්තුවේ සිටින 225ට ඡන්දය නොදෙන්නැයි යන පණිවිඩය රැගෙන යාමට ඉඩ නොතබන්නැයි ඒකාබද්ධ තැපැල් වෘත්තීය සමිති සන්ධානයේ සම කැදවුම්කරු චින්තක බණ්ඩාර විශේෂ ඉල්ලීමක් කරයි;
මේ වන විට ජනාධිපතිවරයා ප්රමුඛ ආණ්ඩුව පෞරාණික වටිනාකමක් ඇති තැපැල් කාර්යාල විකිණීමේ දැවැන්ත වැඩ පිළිවෙළක් ආරම්භ කර ඇති බවත් මෙම වැඩපිළිවෙළ නැවත හරවා නොගතහොත් රනිල් වික්රමසිංහ නැවත හැරීයාමට සිදුවනු ඇතැයි ඒකාබද්ධ තැපැල් වෘත්තීය සමිති සන්ධාන සඳහන් කරයි.
රනිල් වික්රමසිංහ ජනාධිපති පුටුවේ වාඩිවී සිටින්නේ ජනමතයකින් තොරව බවත් ඔහුට ජනාධිපති පුටුවේ වාඩිවෙන්නට ජනමතයක් නොමැති බවත් පෙන්වා දෙන එම සන්ධානය ඔහුට මේ පුටුව හොදින් සකස් කර දුනේනේ රාජපක්ෂ ආණ්ඩුව යැයිද මේ වන විටත් . රාජපක්ෂ ආණ්ඩුව ප්රතික්ෂේප වුණු ආණ්ඩුවක් යැයිද හෙතෙම පවසා සිටියි.
නුවරඑළිය තැපැල් කාර්යාල විකිණීමට අවශ්ය පිඹුරුපත් සකස් කරමින් සිටින බවත් තැපැල් සේවකයෝ මේ සඳහා කිසිවිටකත් ඉඩ ලබා නොදන බවත් සදහන් කරන සම කැඳවුම්කරු පාර්ලිමේන්තුවේ 225න් එක් අයෙක්වත් මේ සම්බන්ධයෙන් හඬක් නොනැගු බවත් පැවසුවේය.
පෞරාණික වටිනාකමක් සහිත ගොඩනැගි විකිණීමට එරෙහිව ඉදිරියේදී රාජ්ය, අර්ධරාජ්ය, පෞද්ගලික, සිවිල් සංවිධාන, බහුජන සංවිධාන, සහ මහජනතාව ඒකරාශී කර ගනිමින් දැවැන්ත විරෝධතාවන් පැවත්වීමට කටයුතු කරන බවද හෙතෙම පැවසුවේය.
