පෙරළිකාර ශල්යකර්මයකින් පසු සිය දුර්වල හදවත වෙනුවට ජානමය වශයෙන් වෙනස් කරන ලද ඌරෙකුගේ හදවතක් බද්ධ කරගත් ලොව පළමු පුද්ගලයා එම හෘද බද්ධ කිරීමේ සැත්කමින් මාස දෙකකට පසු පෙරේදා (08) පස්වරුවේ මේරිලන්ඩ් වෛද්ය මධ්යස්ථානයේදී මිය ගියේය.
මේරිලන්ඩ් හි ජීවත් වූ ඩේවිඩ් බෙනට් 57 හැවිරිදි වියේ පසුවිය. ඔහුට දරුණු හෘද රෝගයක් පැවතිනි. මිනිස් හදවතක් ලබා ගැනීම සඳහා පොරොත්තු ලේඛන කිහිපයකින් ප්රතික්ෂේප වූ පසු පර්යේෂණාත්මක ඌරු හදවත ලබා ගැනීමට බෙනට් එකඟ වී ඇත.
ඔහුගේ ශරීරය ආගන්තුක ඉන්ද්රිය ප්රතික්ෂේප කර තිබේද යන්න පැහැදිලි නැත. “ඔහු මිය යන විට පැහැදිලි හේතුවක් හඳුනාගෙන නොතිබුණි,” රෝහල් ප්රකාශිකාවක් පැවසීය.
ඔහුගේ වෛද්යවරුන් තවමත් සම්පූර්ණ පරීක්ෂණයක් සිදු කර නොමැති බැවින් මරණයට හේතුව පිළිබඳව වැඩිදුර ප්රකාශ කළ නොහැකි බව රෝහල් බලධාරීහු පැවසූහ.
වෛද්ය සඟරාවක මෙම පර්යේෂණ ප්රතිඵල ප්රකාශයට පත් කිරීමට ඔවුහු සැලසුම් කරති.
