කෘෂිකර්ම අමාත්යාංශ ලේකම් තනතුර දෙස තමන් ලැබුවේ දේශපාලන තනතුරක් ලෙස නොව පරිපාලනමය තනතුරක් ලෙස බවත්, උපකුලපති ධුරයෙන් ඉවත් වී කෘෂිකර්ම අමාත්යාංශ ලේකම් තනතුර භාරගන්නා අවස්ථාවේ දී “උදිත්… මේ කුණු ගොඩට විහින් පනිනේ උඹේ මොලේ හොඳ නැද්දැ“ යි සිය සමීපතම මිතුරන් විමසූ බවත් ධුරයෙන් ඉවත් කළ කෘෂිකර්ම ලේකම්, වයඹ විශ්වවිද්යාලයේ හිටපු උප කුලපති ජ්යෙෂ්ඨ මහාචාර්ය උදිත් කේ ජයසිංහ පැවසුවේය.
ඔහු මේ බව ප්රකාශ කළේ ඊයේ (23) සිරස දවස රූපවාහිනී වැඩසටහනට එක් වෙමිනි.
එහිදී ඔහු වැඩිදුරත් පැවසුවේ තමන්ද මැදිහත් වී හැදූ විද්යාත්මක ප්රතිපත්තියක් න්යායක් වී ප්රායෝගිකව ක්රියාත්මක වීමේ දී කණ්ඩායමක් විසින් ජාතියට විහිළු සැපයීම බලා සිටීමට නොහැකි වූ නිසා ලේකම් ධුරය භාරගැනීමේ අවදානම ගත් බවය.
එහිදී හිටපු ලේකම්වරයා මෙසේත් ප්රකාශ කළේය.
“ මේ කියන සෞභාගයේ දැක්ම ලියනකොට විශේෂ මා පුද්ගලිකවම මැදිහත් වී කාර්ය භාර්යයක් ඉටුකළා. ඉතින් අපිත් ලියපු, අපිත් දැකපු, අපිත් හිතපු විද්යාත්මක ප්රතිපත්තිය න්යායක් බවට පත්වෙලා එය ප්රායෝගිකව ක්රියාත්මක කරනවිට ගැටලුවක් ඇතිවෙලා තිබුනා. මේ අපි කියන විදිහට නෙමෙයි යන්නෙ කියලා අපි දැක්කා.
“මොකද මේ වැඩපිළිවෙල ඉතා හොඳට ලියලා සකස් කරලා තිබුණේ. එහි තිබුණේ කෘෂිකර්මයේ සියලුම ක්ෂේත්ර ප්රශ්ත ලෙස එකතු කරමින් පරිසර හිතකාමී ගොවිතැනක් කරන එකාබද්ධ යාන්ත්රණයක්. අපට තේරුණා යාන්ත්රණය ලියලා දුන්නට තුන් හතර දෙන්නෙක් ඒක අරගෙන විහිළු සපයනවා කියලා. පස හැදෙන හැටිවත් දන්නෙ නැති කෙනෙක් කියලා දෙන්න හදනවා පස හැදෙන හැටි. පස ගැන දන්නා කට්ටිය ආර්ථික විද්යාව ගැන උපදෙස් දෙනවා.“
“අපි වෘත්තිකයන් විදිහට අභ්යන්තරයෙ සාකච්ඡා කරමින් සිටින අවස්ථාවෙ තමයි මේ ඉල්ලීම ආවෙ. මා උපකුලපතිකමින් අයින් වෙලා ඒ වගකීම ගන්න හිතුවා. ගෙවල්වලිනුත් ප්රශ්න ආවා. ඔක්කොගෙන්ම පොඩි බැණුමකුත් අහගෙන සිද්ධ වුනා. යාලුවො ඇහුවා උදිත් උඹට පිස්සු ද ඇහුවා මේ කුණුගොඩට පනින්න කියලා.“
“මම කිව්වා නෑ.. එහෙම පනින්න අපිට පොඩි අයිතියකුත් තියනවා. මොකද අපි හදපු එක ඇස් ඉදිරිපිට විහිළු සපයනකොට බලාගෙන ඉන්න අමාරුයි කියලා. ඉතින් මා ආවා ජූනි 10ය. දවස් 195යි. ඒ කාලය තුළ මා උපරිම දේ හරියටම ඉටු කළා. සියයට 90ක් කියයි මා කළ දේ හරියට කළ බව. ඉතිරි සියයට 10 හැමෝටම බැන බැන යන අය.“
තමන් ඉවත් කරනු ලැබූ හේතුව නිශ්චිතව නොදන්නා බවත් ජනාධිපති ලේකම් කාර්යාලයෙන් දුරකථන ඇමතුමක් දුන් අධ්යක්ෂිකාවක් යැයි කී කාන්තාවක් තමන් ඉවත් කළ බව දැනුම් දුන් බවත් ඒ අතර නව කෘෂිකර්ම ලේකම්වරයෙක් පත් කිරීමට අදාල ලිපිය ජනාධිපති ලේකම් පී.බී. ජයසුන්දර විසින් නිකුත් කර තිබුණු නිසා තමන් ඉවත් කළ බව නිශ්චිතව දැනගත් අයුරුත් ජ්යෙෂ්ඨ මහාචාර්යවරයා කීවේය.
